पोखरा -भारतको अघोषित नाकावन्दीले देशभर पेट्रोलियम पदार्थको अभाव भइरहेका वेला कास्कीको गोगन गौडा डिपोमा १ लाख २० हजार लिटर डिजेल स्टक रहेको खुलासा भएको छ ।
दशैं पछाडि पटक पटक आएका ट्यांकरवाट डिपोले सो वरावरको स्टक डिजेल संकलन गरेको हो ।
स्टक राखिएको डिजेल सार्वजनिक यातायातका साधनलाई समानुपातिक हिसावले वितरण गरिनु पर्ने
स्टक इन्धन वितरण गर्ने वारे कास्कीका प्रमुख जिल्ला अधिकारी कृष्णवहादुर राउत, गोगन गौडा डिपो प्रमुख मनोज ठाकुर, पेट्रोललियम डिलर्सका पदाधिकारी र यहाँका यातायात व्यवसायी वीच वुधवार साँझ छलफल भएपनि इन्धन वाँड्न डिपो सहमत नदेखिएको नेपाल यातायात व्यवसायी राष्ट्रिय महासंघ पश्चिमाञ्चल संयोजक धर्मराज अधिकारीले वताए ।
उनले इन्धन पाउने ग्यारेन्टी नभएसम्म यात्रा वुकिङ स्थगित गरिने समेत जानकारी दिएका छन् । कास्की प्रशासनले पनि भएको इन्धन वितरण गर्न निर्देशन गरेको भएपनि डिपोले दिन नमानेको यातायात व्यवसायीहरुको भनाई छ ।
व्यवसायीहरुले आएको इन्धन समानुपातिक रुपमा वितरण गर्नु पर्नेमा डिपोले नै स्टक राख्दा वढी तस्करी हुने गरेको वताएका छन् ।
वजारमा इन्धन अभाव भएका वेला अति आवस्यकीय कामको प्रयोगको लागि इन्धन स्टक राखेको गोगन गौंडा डिपोले दावी गरेको छ । डिपोले इन्धन स्टक रहेपनि कतै त्यसको दुरुपयोग नगरिएको वताएको छ ।
यसैवीच इन्धनको चरम अभाव भईरहेको वेला कास्कीको गोगन गौडा डिपो नजिकैवाट इन्धन तस्करी गर्ने लेखनाथका दुई जना पक्राउ परेका छन् । पक्राउ पर्नेमा लेखनाथ–३ का नवराज तिमिल्सिना र वडा नं ४–का प्रख्यात ढुङ्गाना रहेका छन् । प्रहरीले उनीहरुको घरवाट वुधवार साँझ ६५ लिटर पेट्रोल र १ सय २० लिटर डिजेल वरामद गरेको जनाएको छ । उनीहरुले सो इन्धन प्रति लिटर रु पाँच सय सम्ममा विक्री गरेको प्रहरी समक्ष स्वीकार गरेका छन् । प्रहरीले उनीहरुमाथि कालोवजारी तथा केही सामाजिक अपराध ऐन २०३२ अन्तर्गत अनुसन्धान भईरहेको जनाएको छ ।
Post a Comment