चीनबाट निगमले इन्धन ल्याउने भएपछि भारतले बढी दिन थाल्यो

विराटनगर– भारतले सुरक्षाको कारण देखाउँदै पेट्रोलियम पदार्थ नदिएपछि त्यसको विकल्प खोज्दै चीनसँग नेपाल आयल निगमले इन्धन सम्झौता गरेपछि भारतले सामान्य अवस्थामा भन्दा बढी पेट्रोलियम पदार्थ दिन थालेको छ ।

भारतसँगको नेपालकै ठूलो मध्येको जोगवनी नाकाबाट सामान्य अवस्थाको भन्दा बढी पेट्रोलियम पदार्थ भित्रिएको छ। शुक्रवार बिहान डिजेल ५२ टंयाकर, पेट्रोल ८ टंयाकर र ग्यासको बुलेट ४ वटा भित्रिएको विराटनगर भन्सार कार्यालयले जानकारी दिएको छ ।
भन्सार कार्यालयका अनुसार सामान्य अवस्थामा पनि यो भन्दा कम पेट्रोलियम पदार्थ आयात हुने गरेको थियो ।