कार्तिक १० गते
काठमाडौं, १० कात्तिक । सोमबार दिउँसो अफगानिस्तानको हिन्दकुशलाई केन्द्रविन्दू बनाएर गएको भूकम्पले सबैभन्दा बढी पाकिस्तानमा क्षति गरेको छ ।
यो समाचार तयार पार्दासम्म पाकिस्तानमा डेढ सय भन्दा बढीको मृत्यु भइसकेको छ भने हजारौं भौतिक संरचना ध्वस्त भएका छन् । यसैक्रममा भारतले पाकिस्तानलाई आफू छिमेकीलाई जस्तोसुकै सहयोग गर्न तयार रहेको भन्दै सहयोगका लागि अनुमति मागेको छ ।
तर पाकिस्तानले ठूलै विपत्तिको समयमा पनि सहयोग अनुमति नदिएर भारतलाई कडा जवाफ फर्काएको छ । भूकम्प गएलगत्तै भारतीय प्रधानमन्त्री नरेन्द्र मोदीले आफ्ना पाकिस्तानी समकक्षी नवाज शरिफलाई फोन सम्पर्क गरी भारत पाकिस्तानलाई भूकम्पबाट भएको समस्यालाई समाधान गर्न इच्छुक रहेको बताएका थिए ।तर, पाकिस्तानले भूकम्पबाट भएको समस्यालाई समाधान गर्न आफूले कुनै अन्तर्राष्ट्रिय समुदायको सहयोग लिनु नपर्ने जवाफ दिएको अन्तर्राष्ट्रिय सञ्चारमाध्यमले जनाएका छन् ।
पाकिस्तानका सूचनामन्त्री पर्वेज रसिदले संचारमाध्यमसँगको कुराकानीमा भूकम्पबाट भएको समस्यालाई समाधान गर्न पाकिस्तानको स्रोत र साधन पर्याप्त हुने भएकाले देशले कुनै अन्तर्राष्ट्रिय समुदायको सहयोग लिनु नपर्ने बताएका छन् ।
यसअघि गत वैशाख १२ गते नेपालमा आएको विनाशकारी भूकम्पका बेला भारतीय प्रधानमन्त्री मोदीले सहयोग गर्ने बहानामा सुरक्षाकर्मी पठाएर राजधानी काठमाडौं लगायतका विभिन्न सहरमा ‘नाङ्गो हस्तक्षेप गरेका थिए ।dainik
Post a Comment