बुधबार, फाल्गुण ६,
एकीकृत नेकपा माओवादी उपाध्यक्ष तथा पूर्वपरराष्ट्र मन्त्री नारायणकाजी श्रेष्ठले नेपालका बारेमा जथाभावी नबोल्न भारतीय जनता पार्टीकी नेतृलाई चेतावनी दिएका छन् ।
नेपाल भ्रमणमा रहेकी भाजपा उपाध्यक्ष रेणुदेवीले ‘जातीय संघीयतामा गए नेपाल टुक्रा–टुक्रा हुन्छ’ भनी दिएको अभिव्यक्तिप्रति श्रेष्ठले कडा रोष प्रककट गरेका छन् ।
भाजपा उपाध्यक्ष रेणुदेवीले मंगलबार रिपोर्टस क्लबको कार्यक्रममा बोल्दै नेपालको विकासका लागि जातीय संघीयता, धर्मनिरपेक्षता र कम्युनिस्ट व्यवस्था गलत हुने टिप्पणी प्रति प्रतिक्रिया जनाउँदै उनले आफ्नो माइक्रो ब्लगिङ साइट ट्विटरमा प्रतिक्रिया जनाएका हुन् ।
उनले सामाजिक सञ्जालमा नेपाली जनताको सार्वभौमसत्तासम्पन्न अधिकारलाई अवमूल्यन गर्न खोजेको बताएका छन् ।
धर्म निरपेक्ष हुने वा नहुने वा अरु केही हुने भन्ने नेपाली जनतासँग सम्बन्धित विषय हो भन्दै श्रेष्ठले रेणुदेवीको आलोचना गरेका हुन् ।
रेणुदेवीले चीनलाई संकेत गर्दै नेपाल र भारतको सम्बन्धमा नकारात्मक भूमिका खेल्नेहरु पनि छन् भन्ने टिप्पणी गरेकी थिइन् । भाजपा नेतृले नेपाल हिन्दू राज्य थियो र रहनेछ समेत भनेकी थिइन् ।
Post a Comment