जानिराखौ.....बुढ्यौलीपन कसरी घटाउने?????????

उमेर ढल्कँदै जानु वा बूढो हुनु भनेको प्राकृतिक कुरो हो, यस प्रक्रियालाई तपाईं रोक्न सक्नुहुन्न। उमेरअनुसार तपाईंको छालाको परिवर्तन हुँदै जान्छ। तर जे भए पनि तपाईंले केही प्राकृतिक अभ्यास गर्न सक्नुहुन्छ जसले तपाईंलाई जवान देखाउँछ। यसका लागि तपाईंले निम्न उपाय अपनाउन सक्नुहुन्छ:


प्रशस्त पानी पिउने: मानव शरीर ६० प्रतिशत पानीले बनेको हुन्छ। एक दिनमा कम्तीमा आठ गिलास पानी पिउनुपर्छ। त्योभन्दा अझै धेरै पिउनु भए धेरै राम्रो। तपाईं जति प्रशस्त पानी पिउनुहुन्छ, शरीरको इन्द्रियहरूले राम्रो काम गर्छ र यसले तपाईंको छाला सुन्दर देखिन मद्दत गर्छ। यसले तपाईंको पाचनप्रक्रियालाई समेत सहज बनाउँछ, साथै पेट सफा राख्छ।

तनाउबाट टाढा हुने: प्रत्येक मानिसको जीवनमा तनाउ हुन्छ। तर महत्त्वपूर्ण कुरा के हो भने तपाईं यसलाई कसरी समाधान गर्नुहुन्छ भन्ने हो। यदि तपाईंसँग तनाउ व्यवस्थित गर्ने कला छ भने तपाईंको जीवन राम्रो बन्छ। एक अध्ययनले देखाएअनुसार, मानसिक तनाउ लिँदा बुढ्यौलीपन छिटोछिटो बढ्दै जान्छ। जब, तपाईं तनाउबाट मुक्त हुनुहुन्छ, तपाईंको शरीर सन्तुलनमा आउँछ। मानसिक चिन्ताबाट टाढा बस्नको लागि तपाईंको ध्यान अन्यत्रै केन्द्रित गर्न सक्नुहुन्छ। तपाईं कसरत गर्न सक्नुहुन्छ, योग गर्न सक्नुहुन्छ, लामो श्वास लिन सक्नुहुन्छ। यसले तपाईंको शरीरमा अक्सिजनको मात्रा बढाउँछ र तपाईंभित्रको शक्ति बढाउन मद्दत गर्छ।

दैनिक कसरत गर्ने: विज्ञहरूको अनुसार कसरत गर्दा तपाईंले मांसपेशी लचकदार बन्छ। यसले तपाईंको सम्पूर्ण शरीर फिट रहन सहयोग पुर्‍याउँछ र तपाईंलाई बुढ्यौलीबाट टाढा राख्छ। तपाईंमा भर्खरको जस्तो अनुभव हुन्छ साथै रोग लाग्नबाट बचाउँछ। स्वास्थ्यको लागि मात्र नभएर बुढेसकाल हुनबाट पनि जोगाउँछ।

दैनिक हिँड्ने बानी बसाल्ने: हिँड्दा शरीरमा रगतको सञ्चालन राम्र्रो हुन्छ। बुढ्यौलीपन बढ्ने क्रमलाई ढिलो बनाउँछ र जोर्नीको दुखाइ कम गर्छ। तपाईंले हिँडेका प्रत्येक पाइलाले तपाईंको मुटु बलियो बनाउँछ।
सन्तुलित भोजन गर्ने: उचित सन्तुलित भोजनले तपाईंलाई स्वस्थ रहन सहयोग गर्छ। हरियो सागपात र फलफूल धेरै खानुहोस्। सकेसम्म रातो मासु नखाएकै राम्रो। तर माछा स्वास्थ्यको लागि हितकर हुन्छ। उचित खानाले तपाईंलाई आकर्षित देखाउनुको साथै तपाईंलाई आनन्द प्रदान गर्छ र तपाईं भर्खरको देखिनुहुनेछ।

ग्रिन टी पिउने: ग्रिन टीले तपाईको चाउरीपना र अनुहारमा डार्क सर्कल आउनबाट बचाउँछ। यसले प्राकृतिक एन्टिबायोटिकको काम गर्छ जसले रोगसँग लड्ने क्षमता बढाउँछ।

फलफूलले फेसियल गर्ने: तपाईंको घरमा उपलब्ध हुने फलफूलले अनुहारको मसाज गर्न सक्नुहुन्छ। मसाजले अनुहारमा रगतको सञ्चार हुन्छ र खुम्चिएका नसाहरूलाई क्रियाशील बनाउँछ। यसले बूढो हुनबाट बचाउँछ।’ source a2z khabar