यसअघि शनिबार मात्रै बंगबन्धु गोल्डकप फुटबल प्रतियोगिताको उपाधी जितेर नेपाली टोलीका खेलाडी स्वदेश फर्किएका थिए । बंगबन्धु गोल्डकप जित्ने टोलीमा मनाङका ७ प्रमुख खेलाडी छन् । विजेता टोलीका बिराज महर्जन, विशाल राई, विक्रम लामा, हेमन गुरुङ, विमल घर्ती मगर, अनन्त तामाङ र अन्जन विष्ट मनाङबाट घरेलु फुटबल खेल्छन् ।
एन्फाले दक्षिण एशियाली खेलकुद प्रतियोगिताका लागि यि खेलाडीहरुलाई बन्द प्रशिक्षणमा राख्न चाहेको छ । तर मनाङले खेलाडीलाई आहा–रारा गोल्डकप खेलाउन खोज्दा क्लब र एन्फाबीच विवाद निम्तिएको हो । विवादपछि मनाङका प्रशिक्षक छिरिङ लोप्साङले एन्फाबाट धम्की आएको दाबी गर्दै भनेका छन्–‘एन्फाले पोखरामा खेल्नेले ७ लाख पुरस्कार समेत पाउँदैनन् भनेर राष्ट्रिय खेलाडीलाई धम्क्याएको छ ।’
प्रशिक्षक लोप्साङले मनाङ मस्र्याङदीले कुनै पनि राष्ट्रिय प्रतियोगिता नखेल्ने चेतावनी समेत दिए । उनले भने–‘हामीले पनि एन्फाले आयोजना गरेको मोफसल होस् या राष्ट्रिय कुनैपनि प्रतियोगितामा भाग नलिने विषयमा क्लबमा छलफल गर्दैछौ । त्यो अवश्य हुन्छ । हामी एन्फाका सबै खेल बहिष्कार गर्न तयार छौँ र गछौँ पनि ।’
राष्ट्रिय टोलीका खेलाडी बिनै मैदानमा उत्रेको मनाङ आज ब्रिगेड ब्वाइज विरुद्धको खेलमा भने विजयी भइसकेको छ ।
.ratopati
Post a Comment