नेपाल–भारत भिडन्त अघि नेपालबारे भारतीय मिडियामा यस्तो सनसनी –

काठमाण्डु, १७ माघ – आइसिसी अन्डर नाइन्टिन वल्र्डकप क्रिकेटको क्वाटरफाइनलमा प्रवेश गरेको छ । यो प्रवेशसँगै नेपालको सामना क्रिकेटको महाशक्ति भारतीय टोलीसँग हुँदैछ । यो प्रशंगले भारतीय मिडियालाई पनि तरंगित पारेको छ ।
किनभने भारतीय मिडियो यो विषयमा जानकार छ कि नेपालमाथि भारतले ज्यादति गर्दै नाकाबन्दी गरिरहेको छ । संविधान जारी गर्नुअघि भारतले नेपालसँग राखेको सात स्वार्थ सार्वजनिक गरेको द इन्डियन एक्सप्रेसले लेखेका छ, ‘ ओपनिङ खेलमै नेपालले न्यूजिल्याण्डलाई स्तब्ध बनायो । त्यो सफलतापछि नेपाली युवा टोलीलाई नेपालका प्रधानमन्त्री केपी शर्मा ओलीले पनि फोन गरेर बधाई दिए र थप सफलताको कामना गरे ।’
इन्डियन एक्सप्रेसले अगाडि लेख्छ, ‘शनिबार नेपालले आएरल्याण्डलाई लज्जास्पद पराजयको स्वाद चखायो । यो नेपाली टोलीका लागि सम्भवतः उत्कृष्ट प्रस्तुती पनि हो ।’
भारतले नेपालमा नाकाबन्दी गरेको अस्वीकार गर्दै आएको भए पनि भारतीय मिडिया भने भारत सरकारको भनाइमा सहमत छैनन् । ‘नेपालले यसपटक दुई खाले संकट झेल्यो, एउटा हो अप्रिल महिनाको भूकम्प र अर्को हो म्यानमेड अघोषित नाकाबन्दी ।’ इन्डियन एक्सप्रेसले लेखेको छ, ‘भूकम्पले नेपालको एक मात्रै क्रिकेट मैदानमा रहेको नेट सुविधामा क्षति पुर्यायो ।’
‘नेपालमा डिजेल प्रतिलिटर ४५० देखि ५०० रुपैयाँमा बिक्री भइरहेको छ । नाकाबन्दीका कारण हरेक वस्तुको मूल्य बढेको छ । यसको असर क्रिकेटमा पनि परेको छ । सिंगल अभ्यासका लागि धेरै बल आवश्यक हुन्छ । तर नेपालमा त्यही क्रिकेट बलको मूल्य पनि अकासिएको छ । नेपाली क्रिकेटका कोही पदाधिकारी यदि भारत आए भने पक्कै पनि बक्सा भरेर क्रिकेटको बल किनेर लैजानेछन् ।’ काठमानडु टुडे बाट