शिक्षा पत्रकार संजालले राजधानीमा आयोजना गरेको एक कार्यक्रममा बोल्दै मन्त्री पोखरेलले डा. गोविन्द केसीको पटक–पटक अनसन बस्ने स्थितिको आफूले अन्त्य चाहेको बताए । उनले भने, ‘बस्ने नबस्ने उहाँको अधिकारको कुरा हो, तर म उहाँलाई अनसन नबस्न आग्रह गर्छु ।’
माथेमा आयोगको प्रतिवेदनले दिएको मनसायलाई आत्मसाथ गर्नुपर्ने उल्लेख गर्दै मन्त्री पोखरेलले चिकित्सा शिक्षा क्षेत्रको समस्या समाधान गर्न कार्यकारी अधिकार सहितको आयोग बनिसकेको बताए । उनले भने, ‘छ महिनामा आयोगले प्रतिवेदन बुझाएपछि चिकीत्सा क्षेत्रमा अहिले देखिएको समस्या समाधान गर्न सकिन्छ ।’
केही दिनअघि गोविन्द केसीलाई आफूले प्रधानमन्त्रीसँग भेट्ने वातावरण मिलाएको जानकारी दिँदै मन्त्री पोखरेलले भने, ‘लामो छलफल हुँदा प्रधानमन्त्रीले डा. केसीलाई नै आयोगको नेतृत्व गर्न भन्नुभएको थियो, पछी उहाँकै सहमतीमा आयोग बन्यो ।’
५ वर्ष उमेर पुगेकालाई विद्यालय पुर्याईने
शिक्षामन्त्री पोखरेलले नयाँ शैक्षिक सत्रदेखि पाँच वर्ष उमेर पुरा भएका सवै बालवालिकालाई विद्यालय पुर्याउने गरि मन्त्रालयले तयारी थालेको बताएका छन् ।
पाँच बर्ष उमेर समुहका केटाकेटीलाई नयाँ शैक्षिक सत्र बाट विद्यालय ल्याउनका लागी विद्यालय ब्यवस्थापन समिती र अभिभावकसँग छलफल भईरहेको पोखरेलले जानकारी दिए ।
त्यस्तै भुकम्पले ध्वस्त भएका शैक्षिक संरचनाको पुनः निर्माण गर्नु आफ्नो प्राथमिकताको काम भएको उल्लेख गर्दै मन्त्री पोखरेलले भने, ‘भुकम्पले क्षति पुर्याएको शैक्षिक संरचनाको विवरण संकलन गरिरहेका छौं, प्राधिकरणसँग मिलेर ति संरचनाको पुनर्निमाण कार्य अगाडी बढाउँछौं ।’
भुकम्पले क्षति पुर्याएका कतिपय संरचना भत्काउन पनी समस्या सिर्जना भएको जानकारी दिँदै त्यस्ता संरचना भत्काउन दातृ निकायहरुसँग सहयोग लिईने बताए । उनले भने, ‘सिन्धुपाल्चोकका २३ ओटा विद्यालयमा त्यस्तो समस्या देखियो ।’ratopati
Post a Comment