कमाण्ड सम्हालेदेखि नै एकपछि अर्काे मिसन सफल पार्दै आएका महानगरीय प्रहरी अपराध महाशाखा प्रमुख एसएसपी सर्वेन्द्र खनालले दिएको जानकारी अनुसार ४० वर्षीय गुण्डा कानु भन्ने भोला खड्कालाई आइतबार पक्राउ गरिएको हो ।
ललितपुरको धापाखेल-२३ निवासी कानुले गुण्डागर्दी गरी आतंक मच्चाएको सूचना पाएपछि एसएसपी खनालले महाशाखाको टोली खटाएर उनलाई धापाखेलबाट पक्राउ गरेको हो ।
उनी यसअघि २०६४ सालमा मानव वेचविखन तथा ओसार पसार मुद्दामा पक्राउ परेका थिए । उनले कारवाही समेत भोगेका थिए । पक्राउ परेका कानुलाई महाशाखाले आइतबार थप कारवाहीका लागि महानगरीय प्रहरी परिसर ललितपुरको जिम्मा लगाएको छ ।
dainiknepal
Post a Comment