जिका भाइरस सबै अमेरिकी नागरिकमा सर्न सक्ने डब्लुएचओको चेतावनी, गर्भवती नबन्न आग्रह
एजेन्सी – पछिल्लो समय घातक बनेको जिका भाईरस करिब करिब सबै अमेरिकी नागरिकलाई सर्न सक्ने चेतावनी विश्व स्वास्थ्य संगठन (डब्लुएचओ) ले सोमबार चेतावनी दिएको छ । मध्यम ज्वरो, आँखा धमिलो हुनु, टाउको दुख्नु यस रोगका मुख्य लक्षण हुन । क्यारेबिन, उत्तर तथा दक्षिण अमेरिका लगायतका २१ ओटा देशहरुमा यो रोग फैलिइसकेको छ । यही रोगका कारण केही महिलाहरुले अविकसित दिमागसहित शिशुहरु जन्माउन थालेको बताइन्छ । रोगको महामारी भएका केही देशका महिलाहरुलाई त गर्भवती नबन्न समेत आग्रह गरिएको छ । अहिलेसम्म यसको कुनै उपचार वा खोप आविश्कार भएको छैन ।
पहिलो पटक सन् २०१५ को मे महिनामा ब्राजिलका अमेरिकी नागरिकहरुमा देखिएको थियो । अमेरिकीमा कुनै प्राकृतिक प्रतिरोधको अभावले यस रोगको संक्रमण फैलिएको विश्वास गरिएको छ ।
रोगको स्रोत लामुखट्टे
जिका भाइरसको संक्रमण संक्रमितको वीर्यमा समेत पाइएकाले यौन सम्पर्कबाट समेत यो रोग सर्न सक्ने सम्भावना भए पनि यस बारे पुष्टि हुन बाँकी नै रहेको बताइन्छ ।
विकान्सन्मुख मुलुका गर्भवती महिलाको कोखभित्रै शिशुमा यो रोगले आक्रमण गर्ने विज्ञहरुको चेतावनी अहिलेको मुख्य चासो बनेको छ । ब्राजिलमा गत अक्टोबरदेखि ४ हजार बढी शिशु निकै सानो दिमाग लिएर जन्मिने गरेको पाइएको छ । यसका पछाडि यही रोगलाई नै लिइएको छ ।
गर्भवती महिलामाथि विशेष सावधानी दर्शाउनुपर्ने र रोगको संक्रमण देखिनुपूर्व र देखिएपछि चिकित्सकको परामर्श लिनुपर्ने पीएएचओले जनाएको छ । यस भाइरसबारे थप जानाकारी नपाउन्जेल केही समय गर्भवती नहुन गत साता कोलम्बिया, इक्वेडर, एल साल्भाडोर र जमैकाका महिलालाई सुझाब दिएको थियो । तथापी गर्भवती बन्न ढिलाई हुने कार्य महिला, उनको पार्टनर र स्वास्थ्य सेवा प्रदायकको भएको पनि पीएएचओले जनाएको छ ।
मानिसहरुलाई लामखुट्टेबाट बच्न पनि यस संस्थाले सबैमा आग्रह गरेको छ । स्वास्थ्य खबरपत्रिका बाट
purbelinews
Post a Comment