काठमाडौं– जागिर लगाइदिने भन्दै करिब चार लाख घुस लिएर फरार भएकी ५३ वर्षीया गौरिमाया घिमीरेलाई प्रहरीले पक्राउ गरेको छ ।
कृषि अनुसन्धान परिषद् सिंहदरबारमा प्राविधिक सहायक टी–४ पदमा काम गर्दै आएकी घिमिरेले कृषि अनुसन्धान परिषद्को प्राविधिक सहायक टी–४ पदमा जागिर मिलाइदिने भन्दै भन्दै नगेन्द्र घिमिरे सहितका पाँच जनाबाट घुस लिएकी थिइन् ।अख्तियार दुरुपयोग अनुसन्धान आयोगमा उनीबिरुद्ध उजुरी परेपछि भ्रष्टाचार मुद्धामा विशेष अदालत काठमाडौंबाट २०७२ असोजमा ६ बर्ष कैद र तिन लाख ९७ हजार जरिबाना ठहर भएसँगै फरार भएकी घिमिरेलाई केन्द्रीय अनुसन्धान ब्युरोले आईतबार साँझ पक्राउ गरेको हो ।
गौरिमायाले आर्थिक बर्ष ०६९–७० मा खुलेको नेपाल कृषि अनुसन्धान परिषद्को प्राविधीक सहायक पदमा पदपुर्ति सम्वन्धी विज्ञापन अनुसार दरखास्त दिन पुगेका पाँच युवालाई प्रलोभनमा पारी ठगेको केन्द्रीय अनुसन्धान ब्युरोले जनाएको छ ।
ratopati
Post a Comment