निर्बाध रुपमा भारत प्रवेश गर्दै आएका नेपाली नंका गाडी आजदेखि भन्सार कार्यालयको अनुमतिबिना भारत प्रवेश गर्न नपाउने भएका छन् ।
विहारको पटना सीमा शुल्क विभागले गत पुस १४ गते जारी गरेको सार्वजनिक सूचना अनुसार आजदेखि रक्सौल नाकामा पनि यो नियम लागू गरिएको रक्सौल कस्टमले जनाएको छ ।
नेपाली नं प्लेटका मोटरसाइकल लगायत सवारीसाधन सीमावर्ती भारतीय सहरमा एक दिनका लागि प्रवेश गर्दा अनिवार्य रुपमा कस्टमबाट प्रवेश अनुमतिपत्र अर्थात् अस्थायी पास लिनुपर्ने व्यवस्था छ ।
सुरक्षाको दृष्टिकोण र सीमा आवागमनलाई व्यवस्थित पार्नका लागि अस्थायी पासको नियम लागू गरिएको रक्सौल कस्टमका सूचना अधिकृत अभिषेक कमलले जानकारी दिए ।
उनले कस्टमबाट अस्थायी पास लिएका नेपाली सवारीसाधन तीन किमीभित्रसम्मको भारतीय भूमिमा मात्र आउजाउ गर्न पाउने अनुमति रहेको बताए ।nepaliheadline
Post a Comment