नेपाल सरकारका सरसफाई दूत भएपछि धुर्मुस–सुन्तलीले आफूलाई पदीय मर्यादा भन्दा पनि झाडुवालको रुपमा प्रस्तुत गर्दै आएका छन् । उनीहरु भन्छन् – 'यो जिम्मेवारी गमक्क पर्नलाई नभई केही गरेर देखाउनलाई हो, हामी केही गरेर देखाउँछौं ।' यो अवसरलाई धेरै भन्दा धेरै सदुपयोग गर्ने उनीहरुको चाहना छ । देशै भरी सरसफाई अभियान चलाएर जनतालाई जागरुक बनाउने निक्कै ठूलो र चुनौतीपूर्ण अभियान छ उनीहरुको । नेपाल सरकार र सम्बन्धित निकायको लापरबाहीलाई चुनौती पनि दिनुछ उनीहरुलाई, त्यसैले निक्कै लामो समयदेखि भोक, तिर्खा, भात, पानी, घर परिवार नभनी निरन्तर सरसफाइमा छन् उनीहरु ।
यस भन्दा अगाडि काभ्रेमा २० वटा घर निर्माण गरी भूकम्प पीडित पहरी परिवारलाई घर हस्तान्तरण गरेका धुर्मुस–सुन्तलीले रामेछाप, दोलखा, सिन्धुपाल्चोक र काभ्रे जिल्लामा सरसफाई अभियान चलाइ सकेका छन् । उनीहरु यो अभियानलाई देशैभर पुर्याउने लक्ष्यसाथ अघि बढी रहेका छन् ।
aajakokhaba
Post a Comment