धरान: विराटनगरको जोगवनी नाका ठप्प पार्न धर्नामा बसेको अबस्थामा प्रहरीको झडपका कारण घाईते भएका सद्भावना पार्टीका अध्यक्ष राजेन्द्र महतोलाई पर्यटनमन्त्री आनन्दप्रसाद पोखरेलले भेटेर स्वास्थ्यलाभको कामना गरेका छन् ।विपी कोइराला स्वास्थ्य विज्ञान प्रतिष्ठानमा उपचारका लागि भर्ना भएका महतोलाई अस्पतालको पेइङ वार्डमा पुगेर मन्त्री पोखरेलले भेटेर स्वास्थ्य लाभको कामना गरेका हुन् । धरान १८ स्थित नेपाल बौद्ध गुम्बाको रतज जयन्तीको उद्घाटन गर्न आएका मन्त्री पोखरेलले महतोलाई अस्पतालमै गएर भेटेका थिए ।
भेटका क्रममा महतोले प्रहरीले आफुलाई विना कारण कुटेर घाईते बनाएको भन्दै पोखरेललाई शरिरको चोट देखाएका थिए । महतोले मन्त्री पोखरेललाई स्वास्थ्यमा सुधार हुदै आएको जानकारी गराउका थिए ।
मन्त्री पोखरेलले महतोलाई भेटेपछी स्वास्थ्य लाभको कामना गर्दै अस्पतालबाट निको भएपश्चात घर फर्किएर संविधान कार्यान्यनमा सहयोग पुर्याउन र आन्दोलनका कार्यक्रम स्थगित गरि वार्ता र छलफलको माध्यमबाट बर्तमान समस्या समाधान गर्न वार्तामा आउन आवहन गरेका छन् ।
पोखरेलले महतोलाई सबैधानिक प्रकृया आउन र सिमानाका केन्द्रित आन्दोलन बन्द गर्न समेत आग्रह गरे । विराटनगरको गोल्डेन अस्पतालबाट रेफर भएपछी महतो सोमबार प्रतिष्ठान भर्ना भएका हुन् ।
टाउको, हात र खुट्टाका विभिन्न भागमा चोट लागेका महतोको प्रतिष्ठानको न्युरो सर्जन, फिजिसियन र अर्थोपेडिक्स चिकित्सकले उपचार गरिरहेका छन् । महतोको मधुमेह र उच्चरक्तचाप भएका कारण थप उपचार आवश्यक भएको चिकित्सकले बताएका छन् ।
annapurnapost
Post a Comment
EmoticonClick to see the code!
To insert emoticon you must added at least one space before the code.