गोरखा १४ पुस । पूर्वप्रधानमन्त्री डा बाबुराम भट्टराईले गोरखाको क्षेत्र नं १ मा बसोबास गर्दैै आएका भूकम्पपीडितको अवस्थाबारे जानकारी लिनुभएको छ ।
अहिलेको सरकारले भूकम्पपीडितको पीडा बुझ्न नसकेको भन्दै डा भट्टराईले तत्कालै घर बनाउन रु दुई लाख वितरण गर्नुपर्ने बताउनुभयो । भूकम्पपीडितले डा भट्टराईसँग राहत रकमका लागि पहल गरिदिन आग्रह गरेका छन् ।
त्यस्तै उहाँले चिसोले कठ्याङ्ग्रिएका भूकम्पपीडितलाई राहतस्वरुप कम्मल वितरण गर्नुभएको छ । बक्राङ गाविसमा सय थान कम्मल वितरण गरिएको बताउँदै नयाँ शक्ति अभियानका गोरखा संयोजक रमेश पोखरेलले भन्नुभयो, ‘भूकम्पपीडितलाई कम्मल र विद्यार्थीलाई खाजा उपहार दिएका हौँ ।”
साथै क्षेत्र नं १ का अधिकांश मतदाताले डा भट्टराईले सांसद सदस्यबाट राजनीनामा दिएकामा दुःख व्यक्त गरेका छन् । डा भट्टराई संविधानसभा निर्वाचनमा एकीकृत नेकपा (माओवादी)को तर्फबाट गोरखा क्षेत्र नं १ बाट विजयी हुनुभएको थियो ।
purbelinews
Post a Comment