rochak nepali khabarside

पेट दुख्ने, पोल्ने, अम्लपित्त बढ्ने आदि लक्षणयुक्त समस्याको चिकित्सकीय नाम ग्यास्ट्राइटिस हो। छाती र पेटको बीचको खाल्टो वरिपरि दुख्नु, पेट पोल्नु, भोक हराउनु, अम्लपित बढ्नु, मुख बिग्रिनु, पेट भारी हुनु, आपन वायु बढ्नु, रिंगटा लाग्नु, टाउको दुख्नु, पेट फुल्नु गयास्ट्रिकका लक्षण हुन्। त्यसैगरी ग्यास्ट्रिकमा वाकवाकी लाग्ने, वान्ता हुने, ढ्याउ-ढ्याउ आउनु, वान्तामा रगत देखिने, कालो दिसा आउने, खाना नपच्ने, पेट हुडेल्ने, तौल कम हुने लक्षण देखिन्छ।

आमाशयका भित्तामा भएको इन्फ्लायिसन (सुन्निएर रातो तातो भएर दुख्ने समस्या) भने आमाशयका भित्ताको श्लेष्म झिल्ली च्यातिएर घाउ भएको अवस्थालाई भने ग्यास्ट्रिक अल्सर भनिन्छ। ग्यास्ट्रिकको प्रारम्भिक अवस्था हो भने अल्सर त्यसैको विकराल रूप हो।
ग्यास्ट्राइटिसलाई तीव्र तथा दीर्घ /जीर्ण गरेर दुई समूहमा बाँडिएको छ। तीव्र ग्यास्ट्राइटिस पेटका भित्ताहरूमा भएका कोषहरूका लागी हानी गर्ने पदार्थहरूको सेवनले गर्दा हुन्छ। यी पदार्थहरूमा, दुखाइ कम गर्ने औषधी (एस्पि्रन, बु्रफेन, निम्स, नेप्प्रोक्सिन) जस्ता औषधी, विषसेवन, मसला, खुर्सानी र नुन ज्यादा हालेको खानेकुरा, जाँड-रक्सी, कोकिनजस्ता मादकपदार्थ पर्दछ। आमाशयमा एच. पाइलोरिक लगायत अन्य ब्याक्ट्रेरिया, भाइरस, कृमि वा फंगसको संक्रमणले पनि हुने गर्छ।
जीर्ण ग्यास्ट्राइटिस रोग हाम्रो जीवनशैली खानपान, शैली मानसिकता र शरीरको प्रकृतिसँग जोडिएको छ। जथाभावी खानपानले पनि ग्यास्ट्रिक बढाउँछ।
अनियमित जीवनशैली जस्तै भोक लागेको बेलामा नखाने, भोकभन्दा ज्यादा खाने, खाना निश्चित समयमा नखाने, पचाउन कठिन हुने खाना खाएपछि तत्कालै सुत्ने र शारीरिक श्रम गरेलगत्तै खानेहरूमा यो रोग ज्यादा देखिएको छ। व्यस्तता र भागदौडले भरिएको जीवन ज्यूँनेहरू, मानसिक तनावको चपेटामा परेकाहरू, मनोरञ्जन नगर्नेहरू, भय, चिन्ता, शोक उदासिनता र अनिद्राका रोगी, शारीरिक श्रम वा व्यायाम नगर्नेहरू पनि यो रोगका सिकार हुन्छन्। लामो समयसम्म जँाड-रक्सी, चिया, कफी,कार्बनिक पेय कोक, पेप्सी आदि खानेहरूमा पनि यो रोग ज्यादा देखिएको छ। ग्यास्ट्राइटिस आत्मघाती प्रतिरक्षा प्रणालीको कारणले पनि यो रोग हुने गर्छ। यसैगरी पेटको अपरेसन कलेजो, मिर्गौला, फियो तथा आन्द्राका रोग, एचआइभी/एड्स र विशेष मानसिक रोगावस्थामा पनि देखा पर्छ।
जटिलताहरूः
- यो रोगको समयमा नै उपचार नभए ग्यास्ट्रिक अल्सर तथा क्यान्सर हुन सक्छ। अल्सर हुँदा बारम्बार रक्तस्रावले गर्दा रक्तअल्पताका समस्या देखा पर्छ। यसैगरी भिटामिन बी-१२ को अवशोषणमा चाहिने तत्वहरूको उत्पादन हुन नसक्दा परनिसियस रक्तअल्पता, स्नायु तथा नाडीहरूको क्षय, अन्ननली सुन्निनु, दम बड्ने, मुखमा घाउखटिरा आइरहने, आन्द्रामा घाउ हुने, खानाको पाचन र अवशोषण सुचारु नहुने र मल निष्कासनमा जटिलता आई कब्जियतका लक्षण देखा पर्न सक्छन।
उपचारः
- ग्यास्ट्राइटिस धेरै कारणले हुने रोग हो। तीव्र ग्यास्ट्राइटिस समयमै उपचार हुन सके रोग जीर्ण हुनबाट बचाई यसका अन्य जोखिम निवारण गर्न सकिन्छ। तसर्थः चिकित्सकको निगरानीमा रोगको निदा तथा उपचार गर्नतिर लागौं। दीर्घ/जीर्ण ग्यास्ट्राइटिसको ठूलो हिस्सा जीवनशैलीसँग सम्बन्धित भएकाले जीवनशैली परिवर्तन गर्न नितान्त जरुरी छ। जीवनशैली परिवर्तन भनेको भोजन, व्यायाम, विश्राम, विचार र व्यवहारलाई स्वस्थमैत्री हुने गरी समायोजन गर्नु हो।
हानिकारक मानिएका खाना छाडेर रेसा र चोकरयुक्त खस्रामोटा खानेकुराहरू, साग-सब्जी, सलाद-फलफूल र अंकुरित अन्न, फलको रस, ताजा मोही, लस्सीको सेवन ग्यास्ट्राइटिसमा उपयोगी छ। त्यसैगरी फ्लेवेनाइडयुक्त पदार्थहरू जस्तैः स्याऊ, स्ट्रबेरी, मेवा, लसुन, प्याज, हिङ, जीराजस्ता खाद्य पदार्थलाई भोजनमा समावेश गरौं। पानी प्रशस्त पिउनुपर्छ, यसो गर्दा ग्यास्ट्रिक एसिडले आमाशयलाई हानी पुर्या उन पाउँदैन।
व्यायाम तथा प्राकृतिक उपचारः
१) अंग व्यायाम, रिढ व्यायाम, शिथिलीकरण व्यायाम, प्रातः भ्रमण, दौडिने, कुद्ने, योगाभ्यास, सूर्य नमस्कार जस्ता व्यायाम ग्यास्ट्राइटिसमा उपयोगी हुन्छन्।
२) बज्रासन, पवनमुक्ताशन, सर्वांङआसन, मत्स्यन्द्र, भुजंग, उदारकर्श र धनुराशन, ताडाशन, त्रियकताडाशन जस्ता आसनविधि, अनुलोमविलोम, शीतली, सित्करी, वामनासिका श्वासन जस्ता विधिले पनि यस रोगमा फाइदा पुर्यााउँछन्, तर रोगको अवस्था गम्भीर छ भने यी विधिहरू पालना गर्नुसट्टा चिकित्सकको परामर्श लिनुपर्छ।
३) जलनेती (नाकको सफाइ) कुन्जल (पेटको सफाइ), एनिमा (ठूलो आन्द्राको सफाइ), शंखप्रक्षालन (सम्पूर्ण पाचन प्रणालीको सफाइ) जस्ता उपचार पद्धतिले ग्यास्ट्राइटिस समनमा ठूलो सहयोग पुर्यापउँछ।
४) पेटको मालिस, माटोको पट्टी, ग्यास्ट्रो-हेपेटिकप्याक, नौली तथा गणेश क्रियाको अभ्यास, अकुपन्चर तथा अकुप्रेशर जस्ता उपचार विधिले पनि ग्यास्ट्राइटिसमा राम्रो गर्छ।
विश्राम व्यवस्थापनः
१) ग्यास्ट्राइटिस तनावपूर्ण जीवन ज्यूँनेहरूलाई डर चिन्ता, खिन्नता, उदासिनता र अनिद्राका रोगीलाई हुने रोग हो। तसर्थ, तनाव व्यवस्थापन ग्यास्ट्राइटिस निवारणको कडी हो।
२) शारीरिक तथा मानसिक रूपले विश्राम लिनका लागि योगासन, योगनिद्रा, माइन्ड साउन्ड टेक्निक, ध्यान विधिको अभ्यास गर्नुपर्छ। सकारात्मक चिन्तनलाई जीवनको अभिन्न अंग बनाउनुपर्छ । ३) सातामा एकपटक सम्पूर्ण शरीरको मालिस तेल अभ्यंग, बाष्पस्नान, सउना, फोहरा स्नान, तैरनु, पौडनु र प्राकृतिक दृश्यमा रम्ने बानी बसालौं।
सावधानीहरुः
१) माथि उल्लेख भएका जीवनशैलीमा बाँच्ने कोशिस गरौं।
२) दुखाइ कम गर्ने तथा अन्य दबाइहरू चिकित्सकको परामर्शमा मात्र लिने गरौं।
३) माथि बताइएका लक्षण देखा पर्न गए चिकित्सकसँग परामर्श लिऔं
४) ग्यास्ट्रिकको उपचार गर्दा चिकित्सकले दिएको औषधी पूर्ण रूपले खाने गरौं।
५) कलेजो, मिर्गौला, फियो र आन्द्राका रोग भएकाहरूले रोगको उपचारमा सावधानी अपनाऔं।
६) पेट तथा छातीको अपरेसन गर्दा ग्यास्ट्रिक हुने सम्भावना ज्यादा रहने भएकाले सावधानी अपनाऔं।

अदुवा पृथ्वीमैै सबैभन्दा बढी स्वस्थकर  बस्तु हो । अदुवामा रहेका पोषक तत्वहरु र यौगिकहरु मानिसहरुलाई शारीरिक र मानसिक रुपमा स्वस्थ राख्नका लागि फाइदाजनक साबित भएको छ ।
दैनिक दाल र तरकारीमा प्रयोग हुने अदुवा स्वास्थ्यका दृष्टिले पनि उत्तिकै महत्वपूर्ण छ । अदुवाबाट घरमै विभिन्न प्रकारको घरेलु उपचार गर्न सकिन्छ ।
अदुवा सर्वप्रथम चीनमा प्रयोग भएको थियो । यसलाई परम्परागत र वैकल्पिक औषधीको रुपमा प्रयोग भएका लामो इतिहास छ । यसले पाचन शक्ति बढाउनुका साथै वाकवाकीलाई रोक्ने रुघाखोकी लाग्ने समस्याबाट बचाउँछ । अदुवालाई ताजा, सुकेको, धुलो वा जुस र तेल जुनसुकै रुपमा प्रयोग गर्न सकिन्छ ।
सामुद्र पार गर्दा हुने स्वास्थ्य समस्यादेखि क्यान्सरका विरामीलाई केमोथोरापी गर्दा समेत अदुवा उपयोग हुन्छ ।
विशेष गरी गर्भवती महिलाहरुलाई वाकवाकी लाग्दा यसको अत्यधिक उपयोग हुन्छ । अदुवाको उपयोग बारे केही महिनाअगाडि गर्भवती महिलामाथि गरिएका १२ अध्ययनमा अदुवाको उपयोग पुष्टि भएको छ । अध्ययनमा बढीमा १ दशमलब ५ ग्राम दैनिक अदुवा खाएका गर्भवती महिला वाकवाकी, टाउको दुखाई, रिंगटा जस्ता ‘मर्निङ सिकनेस’का समस्याबाट धेरै हदसम्म छुट्कारा पाउने देखिएको थियो ।
मांसपेशी वा घुडाँका जोर्नी दुख्ने समस्या छ ? अदुवामा हुने दुखाइ कम गर्ने तत्वहरुले यस्तो पीडा रोक्न सक्छ । अदुवाको रस लगाएर नहाउँदा मांशपेशी र जोर्नीको पीडा घट्छ । दैनिक दुई ग्राम अदुवाको धुलो ११ दिनसम्म खाँदा माशंपेशीको दुःखाई कम गर्ने विभिन्न अध्ययनहरुले देखाएका छन् । अदुवाको तेल लगाएर नुहाँउदा तत्कालै प्रभाव नपरे पनि बिस्तारै निको हुँदै जाने चिकित्सकहरुको विश्वास छ ।
अदुवाले शरिरमा चिनिको मात्रा र मुटुको रोगको खतराबाट पनि जोगाउँछ । अदुवाले शरिरमा सुगरको मात्रा घटाउने विषय नयाँ भए पनि यसमा चिनिप्रतिरोधी तत्वहरु हुन्छ । यसै वर्ष गरिएको एक अध्ययनमा दैनिक दुई ग्राम अदुवाको धुलो सेवन गर्नेको शरिरमा सुगरको मात्रा १२ प्रतिशतले घटेको थियो ।
महिलालाई महिनाबारी हुँदा पेट दुःख्ने समस्याबाट मुक्ति पाउन पनि अदुवाले औषधीको काम गर्छ । रजस्वला हुँदाको पहिलो तीन दिन पेट दुःखाईको पिडाबाट बच्न हरेक दिन १ ग्राम अदुवाको धुलो सेवन गर्दा पेट दुख्ने समस्या हट्छ ।
अदुवामा क्यान्सरबाट जोगाउने महत्वपूर्ण पदार्थ रहेको हुन्छ । अदुवालाई प्रशोधन गरी बनाएको पदार्थ विभिन्न प्रकारका क्यान्सरको उपचारका लागि उपयोगि हुने यसअघिको अध्ययनले पुष्टि गरिसकेको छ ।
तपाईन्लाई भोक लागेको छैन ? यदि तपाईलाई खानामा रुची छैन भने दैनिक एक गिलास ताजा अदुवाको जुस खाली पेटमा खानुहोस्, तपाईँको भोक नलाग्ने समस्या हट्छ । यसले पाचन प्रणालीलाई बलियो बनाउँछ ।
अदुवाले हामीले खाएको खानाबाट प्राप्त हुने आधारभूत पोषणलाई शरिरमा सोस्न सहयोग पु¥याउछ ।
यसले शरिरका स¥साना रक्त प्रबाह नलिलाई खुलाइदिन्छ ।
उकुसमुकुस वा वाकवाकी भइरहन्छ ? अदुवा चपाउनुहोस । विशेषगरी महमा मिसाएर अदुवा चपाउँदा वान्ता आउने समस्या समाधान गर्छ ।
पेट डुम्म र उकुसमुकुस वा फुलेको अनुभव भइरहेको छ ? तत्कालै आधा चम्चा अदुवाको धुलो मन तातो पानीमा राखेर खानुहोस् ।
बारम्बार पेट दुख्छ भने अदुवा चपाउदा फाइदा गर्छ ।
यदि तपाईको भर्खरै शल्यक्रिया भएको छ भने खोकी र वाकवाकीबाट बच्ने अचुक औषधी अदुवा हुन सक्छ ।
घाँटी दुख्ने र नाक सकसक भएर श्वास रोकिएमा अदुवा चिया खानुहोस् ।
बारम्बार खोकी, रुघा, वा चिसोबाट बच्ने एक मात्र उपयोगी बस्तु हो अदुवा ।
swasthyakhabar

मरिच हामीले दैनिक जीवनमा प्रयोग गर्ने औषधीका गुणले भरिपूर्ण एक अत्यावस्यक पदार्थ हो। मरिचलाई हामी चियामा, तरकारीमा मसलासँग मिसाएर, त्यस्तै अन्य परिकारहरूमा समेत प्रयोग गर्ने गर्छौ। हामीमध्ये धेरैले यसलाई तातो बनाउने कामका लागी नै चिया, तरकारी र अन्य खानामा प्रयोग गर्छौ।


 मरिचले शरिरलाई तातो मात्र होइन् अन्य धेरै फाइदा समेत दिने गर्छ हाम्रो शरिरलाई। हाम्रो शरिरका केही रोगलाई समेत ठिक पार्न मरिचको प्रयोग गर्नु राम्रो हुन्छ। मरिच केही यस्ता गुणहरू जुन तपाईको स्वास्थ्यलाई प्रत्यक्ष लाभ गर्दछ ती यस्ता छन् :



१- आँखाको तेजमा असल : गाईको ध्यूमा एघार दाना मरिच खराउनु, रातो भएपछी झिकेर चोलो पारी वेसरी चपाई खाई घ्यू पिउनू। यो क्रम केही दिन चलाए आँखाको तेज(ज्योति) बढ्दछ।

२- ग्रीष्म-ज्वरमास: मरिच र तुलसीको पात बराबर राखेर बेसरी पिस्ने र मरिचको दाना जत्रै गोली बनाएर चार/चार गोली दिनको तीन पल्ट खाए ग्रीष्म ज्वरो हराउँछ।

३- आँखा दुखेमा: घ्यू दश ग्राम, देशी चीनी पन्ध्र ग्राम, मरिच एघार दाना पिसेर चाट्ने गरे आँखा दुख्ने निको हुन्छ।

४- रूघाखोकीमा: दुई ग्राम मरिच र एक ग्राम विरेनूनको धूलो पारेर बिहान बेलुका खानाले रूघा खोकी निको हुन्छ।

५- रक्त/प्रदर, स्वेत/प्रदर: पीपलको बोक्राको खरानी ५ ग्राम, मिश्री दश ग्राम र मरिच तीन दाना बासी पानीसित खाए केही दिनमा रक्त प्रदर र स्वेत प्रदर ठीक हुन्छ।

६- बढि निन्द्रामा: मरिच चबाउनु बा मरिचको धूलो सुर्मा लगाए जस्तै आँखामा लगाए निन्द्रा हराउँछ।

७- बालकको मूर्च्छामा: पाँच ग्राम मरिच महसित चटउने गरे बालकको मूर्च्छा निको हुन्छ।

८- पक्षघात: लकवामा मरिचका चूर्ण बनाएर मिश्रीसित खाए पक्षघातमा लाभ हुन्छ।

९- कामजोरमा: ती ग्राम मरिच २० ग्राम घ्यू पिसेर मालिश गरे जाडो भएर आउने कामजरो ठिक हुन्छ।

१०- अतिसार(पखाला)मास: एक ग्राम मरिच, आधा ग्राम हीङ र चौथाई ग्राम अफिम पिसेर जीरा पखला आराम हुन्छ।

१०० वर्ष बाँच्नको लागि के के गर्नुपर्ला ? कस्तो जीवनशैली बाँच्नुपर्ला ? कस्तो खानेकुरा खानुपर्ला ? अवश्य सजिलो छैन सय वर्ष बाँच्न । तर हाम्रो हरेक दिनको सही दिनचर्या र खानपानले यो सजिलै प्राप्त गर्न सकिन्छ । कम्तीमा पनि यी पाँच सब्जि तथा फलको सेवन दैनिकरुपमा हुने हो भने हामी धेरै स्वस्थ हुनसक्छौं । यस्तो गर्दा मुटुको बिरामी, हृदयाघात र क्यान्सरलाई टाढा राख्न सकिन्छ ।


हेल्थ वेबसाइटका अनुसार यदि हामी हप्तामा दुई वा तीनपटक माछा खान्छौं भने यसले हाम्रो स्वास्थ्यलाई लामो सयमसम्म स्वस्थ राख्न सहयोग गर्दछ । यसले हाम्रो आयू पनि बढाउँछ । माछाहरुमध्ये पनि सोलमन माछा सबैभन्दा राम्रो हुन्छ । यसमा पाइने ओमेगा ३ फ्याटी एसिडले पेटको जलन सम्बन्धी बिरामीलाई टाढै राख्दछ ।


हरेक दिन कम चिल्लो भएको दहीको सेवन स्वास्थ्यका लागि राम्रो हुन्छ । एक शोधका अनुसार यसमा रोग प्रतिरोधात्मक क्षमता अत्यधिक हुन्छ ।



भारतको राष्ट्रिय क्यान्सर इन्स्टिच्यूटका अनुसार दिनमा कम्तिमा पनि २५ ग्राम फाइबरयुक्त खानेकुरा खानाले कुनै पनि रोगबाट मर्ने सबै कारण कम हुन्छ ।


 क मुट्ठी सुख्खा फलहरु जस्तै काजु, बदामलगायत खानाले पनि १०० वर्ष बाच्ने इच्छा पूरा गर्न सजिलो हुन्छ । यसले मुटुको रोगको खतरालाई कम गर्दछ ।

आउने वर्षलाई हरेक व्यक्तिले गत वर्ष भन्दा राम्रो र उपलब्धीपूर्ण होस् भन्ने कामना गर्छन् । तपाईं पनि यहि सोच्दै हुनुहुन्छ र आउने वर्षलाई धनको दुःखबाट मुक्त गर्न चहानुहुन्छ भने यी १० गल्ति नगर्नुहोस् ।

१. महिलासँग दूश्मनी नलिनुहोस् । सन् २०१६ को सुरुवात शुक्रबारबाट हुँदैछ । शुक्र भौतिक सुखका कारक ग्रह हो । साथै स्त्री प्रति शुक्रको प्रभाव रहनेगर्छ । यसैले शुक्र प्रधान यस वर्षमा महिलासँग राम्रो सम्बन्धमा रहनुहोस् ।

२. देवी लक्ष्मिको मुर्ति एक भन्दा धेरै आफ्नो कोठामा नराख्नुहोस् । शुक्रबारको दिन देवि लक्ष्मिको पुजा विशेष फलदायक मानिन्छ । तपाईंको घरमा धेरै देविको मुर्ति छ भने आफ्नो सबै कोठाहरुमा अलग–अलग राख्नुहोस् । बाँकीलाई कतै विसर्जन गर्दिनुहोस् ।

३. यदि तपाईंको पर्स च्यातिएको छ भने त्यसलाई बदल्नुहोस् र काम नलाग्ने चीजहरुलाई फाल्नुहोस् । एउटा सिक्का शुक्रबारको दिन देवी लक्ष्मिको मन्दिरमा चढाउनुहोस् अर्को सिक्कालाई रातो कपडामा बेरेर पर्समा राख्नुहोस् ।

४. जीवनसाथीसँग तालमेल बनाइराख्नुहोस् । धन सम्बन्धी विषयमा जीवनसाथीसाग छलफल गरेर मात्रै फैसला गर्नुहोस् ।

५. विहान उठ्ने वित्तिकै ऐना नहेर्नुहोस् । विहान उठेर दुवै हात जोडेर देवी लक्षिमको ध्यान गर्नुहोस् ।

६. गणेशजीलाई नभुल्नुहोस् । धनसम्बन्धी काम गर्न जानुभयो भने गणेशको पुजा गर्न नभुल्नुहोस् । बुधबारको दिन अनिवार्य रुपमा ५ वटा दुवो चढाउनुहोस् ।

७. बेलुका कसैलाई पैसा नदिनुहोस् । सुत्नुभन्दा अघि पैसा दिनु राम्रो नहुने बताइन्छ ।

८. शनिबारको दिन मदिरा सेवनबाट जोगिनुहोस् ।

९. सोमबारको दिन पीपलको पुजा नगर्नुहोस् । यो दिन पीपलको पुजा गर्दा घरमा अलक्ष्मिको प्रवेश हुने विश्वास छ ।

१०. परिवारमा बहिनी र छोरीलाई अपशब्द प्रयोग नगर्नुहोस् । धन सम्बन्धी काम शुक्रबार गर्नु शुभ रहने जनाइएको छ

राजुकाजी शाक्यलार्इ प्रशिक्षकको जिम्मेवारी
अखिल नेपाल फुटवल संघ एन्फाले भारतको गुहाटीमा हुने १२ औँ साग फुटबलमा भाग लिने खेलाडीको छनोट गरेको छ। तर बंगलादेशमा भएको बंगबन्धु गोल्डकपको उपाधि जिताउँदा टोलीको प्रशिक्षक रहेका बालगोपाल महर्जन र गोलकिपर प्रशिक्षक उपेन्द्रमान शाक्यलाई प्रशिक्षकको जिम्मेवारीबाट मुक्त गरिएको छ।

टोलीको प्रमुख प्रशिक्षकको जिम्मेवारी राजुकाजी शाक्यलाई दिइएको छ भने गोलकिपरको प्रशिक्षकमा मृगेन्द्र मिश्र र व्यवस्थापकमा विराटजंग शाहीलाई जिम्मेवारी दिइएको छ।

एन्फाले आइतवार विराज महर्जनको कप्तानीमा २३ सदस्यीय युवा फुटबल टोलीको घोषणा गरेको हो। एन्फाले घोषणा गरेको राष्ट्रिय फुटबल टोलीमा यसअघि बंगबन्धु गोल्डकप खेलेका खेलाडीलाई नै समावेश गरिएको छ।
घोषित टोलीका गोलकिपरहरुमा विकेश कुथु, एलन न्यौपाने र अमृत चौधरी छन् ।

यस्तै डिफेन्डरहरुमा आदित्य चौधरी, अनन्त तामाङ, कप्तान विराज महर्जन, दिनेश राजबंशी, मनबहादुर तामाङ र कमल श्रेष्ठ रहेका छन्। मिडफिल्डरमा बिक्रम लामा, विशाल राई, हेमन गुरुङ, जगजित श्रेष्ठ र प्रकाश बुढाथोकी  रहेका छन्।

यस्तै स्ट्राइकरहरुमा अन्जन विष्ट, बिमल घर्ती मगर, नवयुग श्रेष्ठ, रन्जन विष्ट, सुनिल बल र सुमन लामालाई समावेश गरिएको छ।
गुहाटीमा हुने फुटबल प्रतियोगीतामा नेपाल भुटान र बंगलादेशसँगै समूह बीमा परेको छ।

काठमाडौं, १७ माघ । प्रधानमन्त्री केपी शर्मा ओलीले भारत भ्रमण नगर्ने भएका छन् ।
मधेसका माग सम्बोधनका लागि संविधान संशोधन गरेको सातादिन वितिसक्दापनि नाकाबन्दी नखोलेपछि प्रधानमन्त्री ओली भारत भ्रमणमा नजाने मनस्थितीमा पुगेका छन् ।
नाकाबन्दी नखोली भारत गए नराम्रो हुने भन्दै पार्टी र सरोकारबालाको दबाबपछि ओली भारत भ्रमणमा नजाने मनस्थितीमा पुगेको एमाले नेताहरु बताउँछन् ।
नाका नखुलेसम्म भारत भ्रमणमा नजाने कुरा चलिरहँदा नेकपा एमालेका चर्चित युवा नेता सूर्य थापाले प्रधानमन्त्री ओलीले आफ्नो पहिलो विदेश भ्रमण चीनबाट सुरु गर्न सक्ने दाबी गरे । उनले भने- नाकाबन्दी नखुली भारत नजाने पक्षमा प्रधानमन्त्री आफै हुनुहुन्छ । हामीले पहिला चीन जानुस् भनेर सुझाव दिएका छौं । सायद उहाँ पहिला चीन जानुहुन्छ ।
नेता थापाले तत्काल भारत भ्रमण स्थगित हुनसक्ने सम्भावना बढेको बताए । ‘प्रधानमन्त्रीलाई भारत र चीनको निमन्त्रणा एकसाथ प्राप्त भएको हो’ एमाले प्रचार विभाग उपप्रमुख समेत रहेका थापाले भने- ‘भारतले परिस्थिति अनुकूल बनाएन भने प्रधानमन्त्री पहिले चीन भ्रमणमा जानुपर्छ र जानुहुन्छ ।’
नाकाबन्दी नखुल्दासम्म भारत भ्रमणमा जानु वाञ्छनीय नहुने प्रधानमन्त्री ओली आफैंले सार्वजनिक अभिव्यक्ति दिइसकेकाले वीरगञ्ज नाका सहज नभई उनी भारत नजाने थापाको ठोकुवा छ । उनले भने- ‘अहिले नै नाकाबन्दी खुल्ने अवस्था देखिएन्, पहिला भ्रमण चीनबाटै हुन्छ ।’
भारत भ्रमण किन रोकियो ?
सूर्य थापा
सूर्य थापा
नेता थापाले भारतले भ्रमणको निम्तो दिएर वातावरण नबनाएकाले स्वभाविक रुपमा प्रधानमन्त्री ओली पहिला चीन भ्रमणमा जाने स्पष्ट पारे । उनले भने– भारतले भ्रमणको निम्तो त दियो । तर, वातावरण बनाएन् । सीमा नाका सहज बनाएन् । भारत भ्रमणमा गएर सम्बन्ध सामान्यीकरण गर्ने, सम्बन्धलाई नयाँ उचाई दिने हिसाबले प्रधानमन्त्री तयार हुनुभएको थियो । तर, त्यसअनुसार अवस्था सहज बनाइएको देखिएन् । त्यसकारण स्वाभिमान र राष्ट्रिय हितलाई हेरेर उहाँ चीन जाने मनस्थितीमा पुगिसक्नुभएको छ ।’
संविधान संशोधन हुँदासमेत भारतले परस्थिती र सम्बन्ध सहज बनाउन नचाहेको र बहानाबाजी गरिरहेको नेता थापाले बताए ।
‘भारतले सहज वातावरण नबनाएकाले भ्रमणको कार्यसूची अनुसार स्वभाविका रुपमा चीन भ्रमणमा जाने प्रक्रिया अगाडि बढ्न सक्छ । चीन भ्रमणका एजेण्डा तयार छन् । गृहकार्य भइरहेको अवस्थामा चीन गएर टंकप्रसाद आचार्यपछि प्रधानमन्त्री ओलीले सम्बन्धलाई नयाँ उचाई दिनेछन् । चीन भ्रमणमा विभिन्न सम्झौता गरी भारतसँगको निर्भरता घटाउनु प्रधानमन्त्रीको मुख्य एजेण्डा हुनेछ ।
dainiknepal

काठमाडौँ, १७ माघ । एकीकृत नेकपा(माओवादी)को सहायक सङ्गठन योङ कम्युनिष्ट लिग(वाइसिएल)ले भूकम्प प्रभावित १४ जिल्लामा पुनःनिर्माणका लागि १४ हजार कार्यकर्ता परिचालन गर्ने भएको छ ।
एमाओवादीको केन्द्रीय कार्यालय पेरिसडाँडामा आज पत्रकार सम्मेलनको आयोजना गरेर वाइसिएलले गत वैशाख १२ गतेको गोरखा भूकम्पबाट बढी प्रभावित भएका १४ जिल्लामा एक हजारका दरले कार्यकर्ता परिचालन गर्न लागेको हो ।
मुलुकभरका कार्यकर्तालाई अभियानात्मक रुपमा परिचालन गर्ने र पुनःनिर्माणमा सहयोग गर्ने उद्देश्यका साथ कार्यकर्ता परिचालन गर्न लागिएको वाइसिएलका अध्यक्ष रामचन्द्र शर्माले जानकारी दिनुभयो ।
भूकम्प प्रभावित जनतालाई पुनःनिर्माणमा सहयोग गर्ने, घर तथा आवास निर्माणमा सहयोग पु¥याउने उद्देश्यका साथ अभियानको रुपमा पुनःनिर्माणको काम गर्ने लक्ष्य राखिएको अध्यक्ष शर्माको भनाइ छ ।
यस्तै सातवटै प्रदेशमा स्वास्थ्य शिविर चलाउने, सामाजिक अभियानका रुपमा मालपोत, नापी, स्वास्थ्य सङ्घसंस्था, यातायात कार्यालय एवम् जिल्ला विकास समितिमा स्वयम्सेवक कार्यकर्ताका रुपमा टोली परिचालन गर्ने वाइसिएलले घोषणा गरेको छ ।
यस्तै आगामी तीन महिनाभित्र पुनःनिर्माण तथा नवनिर्माणमा सहयोग गर्ने उद्देश्यले तीन हजार बढी युवालाई सीपमूलक तालिम दिने कार्यक्रम पनि वाइसिएलले घोषणा गरेको छ । वाइसिएलका महासचिव रामप्रसाद सापकोटाले युवा पलायन रोक्न र भूकम्पछिको पुनःनिर्माणलाई सहयोग गर्ने उद्देश्यले प्लम्बर, इलेक्ट्रिसियन, सिकर्मीलगायतका तालिम दिने बताउनुभयो ।
पत्रकार सम्मेलनमा दिइएको जानकारीअनुसार वाइसिएलले नेता तथा कार्यकर्ताको उपचारका लागि भन्दै रु एक लाख कार्यकर्ता संरक्षण कोषसमेत खडा गरेको छ । उक्त कोषलाई बढाउँदै लैजानेसमेत जनाएको छ ।
यस्तै अख्तियार दुरुपयोग अनुसन्धान आयोगका प्रमुख आयुक्त एवम् आयुक्तको सम्पत्ति विवरणसमेत सार्वजनिक गर्न वाइसिएलले आग्रह गरेको छ । रासस

काठमाडौं, माघ १७ । ग्लोबल आइएमई बैंकले बंगबन्धु गोल्डकप फुटबलको उपाधि विजेता नेपाली राष्ट्रिय फुटबल टोलीका सदस्यहरुलाई नगदसहित सम्मान गरेको छ ।
आज राजधानीमा कार्यक्रम गरी बैंकले बिजेता खेलाडी, प्रशिक्षक तथा फिजियोलाई जनही २५ हजार रुपैयाँसहित सम्मान गरेको हो ।
कार्यक्रममा ग्लोबल आइएमई बैंकका अध्यक्ष चन्द्रप्रसाद ढकालले राष्ट्रको शान बढाउने खेलाडीहरुलाई सम्मान गर्न पाउँदा गर्ब लागेको बताए ।
राष्ट्रिय टोलीका कप्तान बिराज महर्जनले यस्ता सम्मानले आफुहरुलाई आगामी दिनमा उत्कृष्ट प्रदर्शन गर्न प्रेरणा मिल्ने बताए ।
imagekhabar