वार्षिक २७ हजार अमेरिकी डलर आम्दानी हुनेलाई कोरियाले पीआर दिने

बुधबार, फाल्गुण २०,
कोरियाको न्याय मन्त्रालयले त्यहाँको कुनै पनि विश्वविद्यालयबाट स्नातक वा सोभन्दा माथि उत्तीर्ण गरेका आप्रवासीलाई स्थायी बसोबासका लागि अनुमति (पीआर) दिने भएको छ ।

विज्ञान वा इन्जिनियरिङमा स्नातक उत्तीर्ण भएका र कोरियामा वैधानिक रुपले लामो समय बसिसकेका जोकोहीले पीआर पाउनेछन् । यसका लागि वार्षिक २७ हजार अमेरिकी डलर आम्दानी भएको हुनुपर्नेछ ।
कोरियाली आर्थिक उद्यमशीलता र रोजगार अभिवृद्दिमा टेवा पुर्याउने आप्रवासीलाई स्थायी बसोबासका लागि प्रोत्साहन गर्ने नीति अनुरुप यो नियम लागू गरिएको मन्त्रालयले जनाएको छ । न्यायमन्त्री ह्वाङ कोएनले कोरियामा रहेका प्रवासी विद्यार्थीको प्रतिभा कदर गरिने बताएको समाचार कारोबार दैनिकले छापेको छ ।