भाञ्जाको ब्रतबन्धका लागि पूर्व युवराज पारस नेपाल आउँदै

काठमाडौं, २८ फागुन । पूर्वयुवराज पारस शाह नेपाल फर्कने भएका छन् ।
यसअघि दसैं, तिहार वा बाबुआमाको जन्मदिमा पनि नेपाल नआएका उनी भान्जा पार्थक सिंहको व्रतबन्धमा सहभागी हुन नेपाल आउन लागेका हुन् ।

भान्जा सिंहको व्रतबन्ध चैत १५ गते हुने भएको छ ।

लुङखाई कारागारमा रहँदा उनको मुद्दा फैसला हुने हो वा होइन भन्ने विषयमा निर्णय भइनसकेको अवस्थामा बहिनी प्रेरणाले व्रतबन्धको मिति तय गर्न सकेकी थिइनन् ।


तर, करिब दुई साताअघि नै अदालतले पूर्वयुवराज पारसको पक्षमा फैसला गर्ने लगभग जानकारी भइसकेपछि व्रतबन्धको मिति तय गरिएको छ ।

पारस जेलबाट छुटेर अदालतको प्रक्रिया अघि बढाएपछि परिवारमा खुसी छाएको छ ।
मामा पारस नभएदेखि यो वर्ष व्रतबन्ध नहुने अवस्था थियो ।

तर अदालतले मुद्दाको टुंगो लगाएका कारण पारस आउने पक्का भएको नेपाल समाचार पत्र दैनिकले छापेको छ ।
हिन्दु परम्पराअनुसार व्रतबन्धमा भान्जाको कपाल, काट्नेदेखि वटुकले लगाउने सबै लुगा मामाले दिने चलन छ ।