एयरपोर्टबाट उडेको जहाज नदीमा खस्दा ९ को मृत्यु

एजेन्सी : ताईवानको राजधानी ताईपेईमा बुधबार बिहान भएको जहाज दुर्घटनामा कम्तीमा ९ यात्रुको ज्यान गएको छ ।

ताईपेईस्थित विमानस्थलबाट उडेको जहाज उचाई लिन नपाउँदै किलुङ नदीमा खसेर दुर्घटना भएको अन्तर्राष्ट्रिय सञ्चारमाध्यमले जनाएका छन् ।

५८ जना यात्रु बोकेर उडेको ट्रान्स एसियाको सो जहाज दुर्घटनामा २ जना बालबालिकासहित ९ जनाले ज्यान गुमाएका हुन् । जहाज नदीमा खस्नु अघि फिल्मी शैलीमा सडक र पुल भत्काउँदै अघि बढेको थियो ।

आन्तरिक उडानमा प्रयोग हुने फ्रान्सेली–इटालीयन कम्पनीले बनाएको एटीआर ७२–६०० डबल इन्जिन भएको सो जहाज दुर्घटना हुनुको कारण भने खुलेको छैन ।