जवाहरलाल नेहरु विश्वविद्यालयबाट व्यवस्थापनमा स्नातकोत्तर गरेका पाठकलाई सासु सीता र पत्नी रेणुले ‘कमारो’ जस्तै बनाएर राखेका थिए । त्यसबाट मुक्ति दिलाउनकै लागि एमाओवादीका केही नेताको पहलमा उनलार्इ आपूर्तिमन्त्रीको पीए बनाइएको हो । एमाओवादीबाट मन्त्री भएकामभ्ये सिँचाइमन्त्री उमेश यादव बाहेक सबैले पीए नियुक्त गरिसकेका छन् ।
पार्टीले पीएहरुको नियुक्तिको सिफारिस गर्ने जिम्मा उपाध्यक्ष नारायणकाजी श्रेष्ठलाई दिएको भए पनि उनले सिफारिसमा आलटालगरेपछि मन्त्रीहरु आफैँले पीए नियुक्त गरेका हुन् । कृषि मन्त्री हरिबोल गजुरेलले रमेश गुरागाईँलाइ पीए नियुक्त गरेका छन् । उनी एमाओवादी झापाका कार्यकर्ता हुन् ।
गृहमन्त्री शक्ति बस्नेतले अखिल क्रान्तिकारीका पूर्वमहासचिव विन्दमान विष्टलाई, शिक्षामन्त्री गिरिराजमणि पोखरेलले अखिल क्रान्तिकारीका पूर्वउपाध्यक्ष जागृत रायमाझीलाई, वनमन्त्री अग्नि सापकोटाले पूर्वब्रिगेड कमान्डर युवराज दुलाललाइृ पीए नियुक्त गरेका छन् । एक महिनासम्म उपाध्यक्ष श्रेष्ठले पीए सिफारिस नगरेपछि सभामुख ओनसरी घर्तीले रोल्पाका बाबुलाल पुनलाई पीए बनाएका थिए । बुधबार साप्ताहिकमा खबर
Post a Comment