नयाँ बानेश्वरका प्रदर्शनकारीको प्रश्नः सरकार कहाँ छ ?

१२ मंसिर, काठमाडौं । मधेस आन्दोलनलाई सम्बोधन गर्न माग गर्दै शनिबार काठमाडौंको नयाँ बानेश्वरमा प्रदर्शन भएको छ । नागरिक सञ्जालको ब्यानरमा भएको प्रदर्शनमा पूर्व प्रधानमन्त्री डा. बाबुराम भट्टराई पनि सहभागी भएका थिए ।

प्रदर्शनमा सहभागीहरुले ‘सरकार कहाँ छ ?’ भन्दै नारा लगाएका थिए । उनीहरुले सरकार र आन्दोलनरत समूहले हत्या हिंसा बन्द गर्नु पर्ने, सार्वजनिक सम्पत्तिको दुरुपयोग र कालोबजारीलाई प्रोत्साहन गर्ने क्रियाकलाप बन्द गर्न माग गरेका छन् ।
माइतिघर मण्डलाबाट सुरु भएको र्‍याली नयाँ बानेश्वरमा पुगेर कोणसभामा परिणत भएको थियो ।
onlinekhaba