काठमाडौ–उपप्रधान तथा सहकारी एवम् गरिबी निवारण मन्त्री चित्रबहादुर केसीले मधेसलाई पहाडबाट अलग गरेर प्रदेश बनाए नेपाल नै नरहने चेतावनी दिएका छन् ।
केसीले तराई पहाडबाट अलग गरिए नेपाल नरहने भन्दै त्यो कुरा कुनै पनि हालतमा मान्य नहुने स्पष्ट पारे ।
उनले २०४५ सालको तेह्र महिने नाकाबन्दीपछि नेपालीहरु अब यस्तो गर्दैन भनेर ढुक्क भएर उद्योग धन्दा मरेको भेडाको मुल्यमा बिक्री गर्दा अहिलेको अवस्था आएको भन्दै नेपालीहरु चारो हाल्दा खाने ब्यावाईलर कुखुरा जस्तो भएको बताए ।
उपप्रधानमन्त्री केसीले भारतले घोषित रुपमा नाकाबन्दी लगाउन नसक्ने भएकोले नै अघोषित रुपमा लगाएको दावी गर्दै यस्तो अघोषित नाकाबन्दीमा भारतले लामो समयसम्म ढिप्पी गर्न नसक्ने भएपनि तत्कालै भने यो खुल्ने संकेत नदेखिएको बताए ।
उनले भने,‘आफू खुर्सानीको ढिडी र आलु फलाउन नसक्ने, प्राकृतिक स्रोतको खोजी गर्न नसक्ने, खोर्सानीको ढिडी देखि हवाईजहाजसम्म अरुले फलाई दिने र हामी बसेर खाने ब्यवहारले अहिलेको अवस्था आएको हो ।’
उनले आफू संघीय प्रणालीको विरोधी नभई नेपालमा यो अनुपयूक्त हुन्छ भनेर मात्रै भनेको उल्लेख गर्दै भने,‘संघीय प्रणाली धेरै मुलुकमा असफल भएकोले यहाँ ठिक हुँदैन भनेर भनेको हो । कोही रिसाउलान भनेर अरुले भन्न नसकेका हुन । राष्ट्रिय अखण्डता, राष्ट्रियता र सार्वभौमिकतामा कसैसँग सम्झौता गर्दिन ।’
मधेसको समस्या नेपालको समस्या भएकोलेलाई यो अन्य मुलुकले टुङग्याउने विषय नभएको स्पष्ट पार्दै उनले। नेपालीको समस्या नेपाल भित्रै आफ्नो ढंगले टुङग्याउने बताए ।
उनले थपे,‘ नेपाली जनताको चाहना अनुसारको संविधान बनाएको सजाय भोगिरहेका छौ । सरकार प्रमुख पनि स्वतन्त्र रुपले चुन्यौ मुलुकले त्यसको परिणाम नाकाबन्दी हो । भारतका जनता र मिडियाले पनि यसको विरोध गर्न थालिसकेका छन त्यसैले यो धेरै दिन टिक्दैन ।’
उपप्रधानमन्त्री केसीले पारवहन अधिकार अन्तर्राष्ट्रिय अधिकार भएपनि हाम्रो अधिकार रोकेर अप्ठ्यारोमा पार्ने काम भईरहेको भन्दै भारतले नाकाबन्दी नभनि लगाईरहेको दावी गरे ।
Post a Comment