पुलिस हस्तक्षेपले वार्तामा असर पार्ने धम्की
फाइल तस्विर
नाकामा जारी धर्नामाथि पुलिसले हस्तक्षेप गरेको भन्दै यसले सरकारसितको चालू वार्तालाई असर पार्ने आन्दोलनरत एक मधेसवादी नेताले चेतावनी दिएका छन्। उनले सोमवार विहान वीरगन्ज नाकामा धर्ना बसेका प्रदर्शनकारीमाथि हस्तक्षेप गरी नाका खुलाएपछि यस्तो चेतावनी दिएका हुन्।
नाकाबन्दले सर्वसाधारणका जनजीवनमाथि असर पारे पनि यसको जिम्मेवार सरकार भएको तर्क गर्दै उनले नाका खोलेर मधेसको समस्या नहुने जिकिर गरे। ‘जति समस्या परे पनि जति दमन गरे पनि हामी नाका बन्द जारी राख्छौं। यो मधेसी जनताको वारपारको लडाइँ हो,’ उनले भने।
Post a Comment