पोखराका यातायात व्यवसायीले ३० प्रतिशत भाडा बढाउने तयारी गरेका छन् । इन्धन अभावलाई देखाउँदै व्यवसायीले भाडा वृद्धीको तयारी गरेका हुन् ।
सरकारले सहज इन्धन उपलब्ध नगराउँदा महङ्गोमा इन्धन खरिद गरी यातायात सञ्चालन गर्नुपरेकाले भाडा बढाउने निष्कर्शमा पुगिएको नेपाल यातायात व्यवसायी राष्ट्रिय महासंघ पश्चिमाञ्चल क्षेत्रीय संयोजक धर्मराज अधिकारीले बताए ।उनले यातायात व्यवसायीले राखेका माग एक साताभित्रै पूरा नगरे अहिलेको भाडा दरमा ३० प्रतिशत भाडा बढ्ने जानकारी दिए ।
सहज रुपमा इन्धन पाए संख्या घटाएर भएपनि पुरानै भाडादरमा यातायात सेवा सञ्चालन गर्न आफूहरु तयार रहेको उनको भनाई छ ।
‘व्यवसायीहरुले इन्धनका लागि प्रतिलिटर २/३ सय रूपैयाँ तिर्न बाध्य भएको पृथ्वी राजमार्ग बस व्यावसायीक समितिका अध्यक्ष एनकुमार साईले बताए ।
प्रचलित मूल्य भन्दा चार दोब्बरमा इन्धन खरिद गरी विविध किसिमको समस्याहरुको सामना गर्दै सार्वजनिक यातायात सञ्चालन गर्दासमेत राज्यबाट कुनै सहयोग नगरेको उनको भनाई छ ।
etajakhabar
Post a Comment
एस्तो नि कहिँ हुन्छ ? येस्तई मुर्खहरुले गर्दा एस्तो अवस्था आएको हो | इन्धन नभए नचलाए भैगोनि | कालो बजारीलाई प्रोत्साहन गरेको जस्तो भैगो नि |