चीनले पठायो १३ सय वटा इण्डक्सन चुलो

काठमाडौं– चीनले नेपाललाई १३ सय वटा ईण्डक्सन चुलो अनुदान दिएको छ । नेपालमा भारतीय नाकाबन्दी पछि ग्यासको अभाव हुँदा खाना पकाउन समस्या भएपछि चिनले अनुदान स्वरुप ईण्डक्सन चुलो अनुदान दिएको हो ।

६ लाख ५० हजार रुपैयाँ बराबरको चुल्हो मंगलबार रसुवागढी नाका हुँदै नेपाल भित्रीएको हो । नेपाल भित्रिएको इन्डक्सन चुह्लो नेशनल ट्रेडिङमार्फत विक्री हुने वाणिज्य तथा आपूर्ति मन्त्रालयले जनाएको छ ।
चुलो लगायतका सामाग्री लिनका लागि शुक्रबार वाणिज्य तथा आपूर्ति मन्त्रालयबाट नेसनल ट्रेडिङ्गका कार्यकारी निर्देशक सत्यनारायण मेहेता नेतृत्वको टोली केरुङ्ग गएको थियो । रसुवा भन्सारमा भन्सार पासभई सो टोलीले चुलो बुझेर ल्याईसकेको छ ।
चुलोसंगै चिनले भुकम्पपिडीतका लागि ४ लाख ४९ हजार रुपैयाँ बराबरको चामल, तेल र नुन पनि पठाएको छ । ३० टन चामल, १० टन पकाउने तेल र १० टन नुन चिनले अनुदानमा दिएको मन्त्रालयले जनाएको छ । मन्त्रालयका अनुसार खाद्यान्न, तेल र नुन नेपाल सरकारले खाद्य संस्थानमार्फत विक्री गरीने छ ।
मन्त्रालयका अनुसार चीनले यस अघि नेपाललाई १० लाख चिनियाँ युआनको खाद्यान्न तथा अन्य सामग्री सहयोग गर्ने घोषणा गरेकोले सोही अनुसार चामल, तेल, नुन र चुल्हो नेपाल भित्रिएको हो ।
अनुदानमा दिएको सबै सामान भन्सार जाँचपास गरी नेपाल भित्रीएको रसुवागढी भन्सार प्रमुख केदार पनेरुले बताए ।
ratopati