अनिल गुरुङको कप्तानीमा रहेको नेपाली टोलीमा यसपटक युवा खेलाडीहरुको बाहुल्यता छ । म्याच फिक्सिङ प्रकरणमा नियमित कप्तान र उपकप्तान सहितका केही खेलाडी निलम्बनमा परेको अवस्थामा नेपाली टोलीमा अधिकतम नयाँ खेलाडीहरु समेटिएको हो ।
लगातार ९ खेलसम्म गोल गर्न नसकेर ओलचित बनेको नेपाली राष्ट्रिय फुटबल टोलीले यसपटक गोलको खडेरी चिर्ने धेरैको अपेक्षा छ ।
पछिल्लो पटक २०७० साल भदौमा काठमाडौंमा सम्पन्न साफ च्याम्पियनसिप फुटबलको समुह चरणमा भारतलाई २–१ ले हराएको नेपालले त्यसपछिका ९ खेलमा गोल गर्न सकेको छैन ।
यीमध्ये ७ खेल हारेको नेपालले भारत विरुद्धका पछिल्ला दुई खेल भने गोलरहित बराबरीमा टुंग्याएको छ ।
भारतमा यही पुस ८ गतेदेखि हुन लागेको साफ च्याम्पियनसिपमा नेपाल आयोजक भारत र श्रीलंकासँगै समुह ‘ए’ मा छ ।
imagekhabar
Post a Comment