फोटो :फाइल तस्बिर
जनकपुर : राष्ट्रपति विद्यादेवी भण्डारी सेनाको हेलिकोप्टरमा बुधबार जनकपुर पुगेकी छिन् ।
राष्ट्रपति जनकपुर आगमनको विरोध गर्दै मधेसी मोर्चाले कालोझन्डा देखाएर प्रदर्शन गरेको छ । राष्ट्रपति भण्डारी चढेको नेपाली सेनाको सुपरपुमा हेलिकोप्टर पौने १२ जनकपुर प्रहरी अञ्चल कार्यलयमा अवतरण गरेको थियो । त्यहाँबाट उनलाई नेपाली सेनाको विशेष स्कर्टिङसहित गाडीमा जानकी मन्दिर लगिएको छ। त्यहाँ भण्डारीले विशेष पूजा गर्दैछन् ।राष्ट्रपतिको भ्रमणका लागि मंगलबार बेलुकादेखि नै जनकपुरको सुरक्षा निकै कडा बनाइएको छ । नगर सबै सडक र चोकमा व्यापक रुपमा प्रहरी परिचालन गरिएको छ भने भण्डारी जाने आउने मार्गमा सेना पनि खटाइएको छ ।annapurnapost
Post a Comment