बुधबार बेलायको संसद भवनमा भएको भेटवार्तामा सांसदहरुले भारतको नाकाबन्दी र त्यसबाट उत्पन्न मानवीय संकटबारे चाँसो व्यक्त गरेका थिए । जवाफमा परराष्ट्रमन्त्री थापाले छिट्टै समाधान हुने प्रतिबद्धता जनाए ।तर, ब्रिटेनको सर्वदलीय संसदीय समितिको नेपाल डेस्क अध्यक्ष वीरेन्द्र शर्मासहितका भारतीय मुलका सांसदहरुको आग्रहमा मन्त्री थापाले भारतकी विदेशमन्त्री सुष्मा स्वराजलाई फोन लगाएर आफू बेलायतमा रहेको कुरा बताए । त्यसपछि आपूर्ति अवरोध (नाकाबन्दी)बारे प्रश्न गर्दा उनले छिट्टै हटाउने बताइन् ।
बेलायतस्थित नेपाली राजदूतावास स्रोतका अनुसार स्वराज र थापाबीच करिब २५ मिनेट कुरा भएको थियो ।
बेलायत नेपाल कुटनीतिक सम्वन्ध स्थापनाको २०० औं वर्षगाँठका अवसरमा लन्डन पुगेका परराष्ट्रमन्त्री थापाले फोनवार्तापछि बेलायती सांसदहरुलाई भारतको जवाफ सुनाएका थिए ।
ब्रिटेनको सर्वदलीय संसदीय समितिको नेपाल डेस्क अध्यक्ष वीरेन्द्र शर्माले यसअघि नाकाबन्दी खोल्नका लागि भारतसँग पहल गरिदिन आफ्ना प्रधानमन्त्री डेभिड क्यामरुनलाई पत्र लेखेका थिए ।
dainiknepal
Post a Comment