फागु फूर्णिमामा राजधानीको सानो गौचरनमा उनको कन्सर्ट आयोजना हुने भएको छ।नाजी इन्टरटेनमेन्टको मुख्य आयोजना र युहान इन्टरनेसनल इभेन्टस्को सहआयोजनामा चैत ९ गते सम्पन्न हुने ‘बादशाह लाइभ इन नेपाल’ कन्सर्टमा उनले आफ्ना गीत प्रस्तुत गर्न लागेका हुन्।
पछिल्लो समय नेपाली युवामाझ उनको गीत लोकप्रिय भएकोले नेपाल ल्याउन लागिएको आयोजक नासिर हुसेनले जानकारी दिए। कन्सर्टमा नेपालका चर्चित गायकगायिकाको पनि सहभागिता रहने युहान इन्टरनेसनकी अध्यक्ष सञ्चिता श्रेष्ठले बताइन्।
कन्सर्ट स्थलमा फुडस्टल र बारको पनि व्यवस्था गरिने आयोजकले जनाएको छ। बादशाहलाई सुन्न दर्शकले तीन हजार वा एक हजार रुपैयाँको टिकट खरिद गर्नुपर्ने व्यवस्था आयोजकले गरेको छ।
annapurnapost
Post a Comment