३० फागुन, काठमाडौं । नेपाली टोलीका नवनियुक्त प्रशिक्षक ग्यातुकी कोजुले आगामी चैत्र १४ मा मलेसियाको यु २२ टोलीसँग हुने मैत्रिपूर्ण फुटबलका लागि बन्द प्रशिक्षणमा प्रारम्भिक टोली घोषणा गरेका छन् ।
प्रशिक्षक कोजुले आइतबार ४४ जना खेलाडीलाई प्रारम्भिक टोलीमा समाबेश गरेका छन् । त्यसमध्येबाट २३ जनाले राष्ट्रिय टोलीबाट खेल्नेछन् ।
टोलीमा भारतमा भएको साफ च्याम्पियनसीप, बंगलादेशको बंगबन्धु गोल्डकप र भारतमै सम्पन्न १२औं सागमा सहभागी सबै खेलाडी प्रशिक्षणमा बोलाइएका छन् भने शनिबार सकिएको सिमरा गोल्डकपमा खेलाडीहरुको खेल हेरेपछि प्रशिक्षक कोजुले थप केहि खेलाडीलाई सुरुवाती प्रशिक्षणका लागि बोलाएका छन् ।
प्रशिक्षक कोजुले घोषणा गरेको प्रारम्भिक टोलीमा
गोलकिपरहरुः किरणकुमार लिम्बु, बिकेश कुथु, अमृतकुमार चैधरी, अलन न्यौपाने र बिशाल श्रेष्ठ
डिफेण्डरहरुः बिराज महर्जन, रविन श्रेष्ठ, अनन्त तामाङ, आदित्य चौधरी, जीतेन्द्र कार्की, रञ्जीत धिमाल, कमल श्रेष्ठ, मानबहादुर तामाङ, देवेन्द्र तामाङ, बिजय धिमाल, अजित भण्डारी र दिनेश राजबंशी
मिडफिल्डरहरूः जगजित श्रेष्ठ, बिशाल राई, अञ्जन विष्ट, हेमन गुरुङ, बिक्रम लामा, योगेश गुरुङ, नविन लामा, रोहित चन्द, जंबु शेर्पा, प्रकाश बुढाथोकी, सुनिल वाल, तेज तामाङ, टंक बस्नेत, राजेन्द्र रावल, स्याम नेपाली, सुशील केसी, सुजल श्रेष्ठ, रुपेश केसी र शिव श्रेष्ठ
स्ट्राइकरहरूः अनिल गुरुङ, नवयुग श्रेष्ठ, बिमल घर्तीमगर, रञ्जन बिष्ट, सुमन लामा, कर्णकुमार लिम्बु, बिश्वास श्रेष्ठ र भरत खवास छन् । घोषित टोलीको बन्द प्रशिक्षण मंगलबारदेखि सुरु हुनेछ ।
नेपालले आगामी चैत १४ मा क्वालालम्पुरमा मलेसियाको यु-२२ टोलीसँग मैत्रिपूर्ण फुटबल खेल्दैछ । त्यस खेल नेपालका नवनियुक्त प्रशिक्षक कोजुको पहिलो परीक्षा हुनेछ । त्यसलगत्तै नेपालले मे महिनामा मलेसियाकै राष्ट्रिय टोलीसँग अन्तराष्ट्रिय मैत्रिपूर्ण खेल हुनेछ ।
onlinekhabar
Post a Comment