काठमाडौँ, १८ फागुन, त्रिभुवन विश्वविद्यालय शिक्षण अस्पतालका वरिष्ठ हाडजोर्नी रोग विशेषज्ञ गोविन्द केसीले मंगलबारदेखि सुरू गर्ने भनेको आमरण अनशन तीन हप्ताका लागि स्थगित गर्नु भएको छ । विज्ञप्ति जारी गर्दै चिकित्सक केसीले नागरिक अभियानका अगुवाहरुले माग पूरा गर्ने दिशामा सकारात्मक कामहरु भइरहेकाले तिनलाई निष्कर्षमा पु¥याउन थप केही समय राज्यलाई दिन आग्रह गरेकाले सो आग्रहलाई
ध्यानमा राखेर आमरण अनशनको कार्यक्रम तीन साताका लागि स्थगित गरेको जानकारी दिनुभयो ।
यो अवधिमा विवादास्पद प्रतिष्ठानसम्बन्धी विधेयक फिर्ता लिने, चिकित्सा शिक्षाको अनियमितता र भ्रष्टाचारमा न्यायालय मुछिएको भन्ने आरोपहरुमाथि छानविन अघि बढाउने लगायतका माग पूरा नभएमा तीन हप्तापछि फेरि आमरण अनशन शुरु गर्ने चेतावनी उहाँले दिनु भएको छ ।
aajakokhabar
Post a Comment