शिवको मन्दिरमा गाईको दूध तथा गहुँतको विशेष महत्व हुने भएकोले त्यस्तो व्यवस्था गरिएको गुफा व्यवस्थापन समितिका अध्यक्ष विष्णुप्रसाद पौडेल बताउंछन् । वार्षिक रसात लाखदेखि रु १० लाखसम्म आम्दानी हुनेगरेको छ । गहुँतबाट आफूलाई शुिद्धकरण गरी दर्शनार्थी गाईले दिएको दूधले गुफाभित्रको शिवको मूर्तिमा चढाउँछन् ।
विसं २०५० मा आश्चर्यजनक गुफा पत्ता लागेपछि देशका विभिन्न ठाउँबाट सो गुफामा महादेवको दर्शनका लागि दर्शनार्थी आउने गरेका छन् । जमिनको सतहबाट लगभग १०० मिटर तल रहेको महादेवको प्राकृतिक मूर्तिमा दर्शन गरेमा मनले चिताएको पुग्ने धार्मिक जनविश्वास रहेको छ । मन्दिर व्यवस्थापन समितिका पूर्वअध्यक्ष खगराज आचार्यका अनुसार कामधेनु गाईको मूर्ति सुर्खेतका मूर्तिकार तिलक सेञ्चुरीले निर्माण गरेका हुन् ।
गुफा बाहिर १०८ किलोको शालिग्राम स्थापना गरिएको छ । त्यसलाई व्यवस्थित गर्न करिब रु एक करोड १५ लाखको लागतमा भवन निर्माणको योजना अघि सारिएको छ । मुस्ताङबाट ल्याइएको शालिग्राम रहेको परिसरलाई विश्व दर्शन धामको रुपमा विकास गर्ने लक्ष्य राखिएको आचार्यको भनाइ छ ।
गुफा प्रवेशका लागि विद्यार्थीबाट रु पाँच, सर्वसाधारणबाट रु १० र विदेशीबाट रु ३० शुल्क लिने गरिएको छ । हिउँदको समयमा मन्दिरसहित गुफा भित्रबाट मनोरम पातले छाँगोसमेत हेर्नका लागि विद्यार्थीबाट रु ३५, सर्वसाधारणबाट रु ५० र विदेशीबट रु १०० शुल्क लिने गरिएको छ । गुफाले यस आवमा कामधेनु गाईको टिकट बिक्री बाहेक अन्यबाट रु दुई करोड पाँच लाख ७३ हजार आम्दानी गरेको छ ।
त्यस्तै दानपत्रबाट रु आठ लाख ३१ हजार, सदस्यता शुल्कबाट रु दुई लाख १३ हजार, बैंक ब्याजबाट रु चार लाख १५ हजार र सहयोग रसिदबाट रु १२ हजार आम्दानी गरेको समितिका कोषाध्यक्ष ऋषिराम बरालले जानकारी दिए । सो आम्दानीलाई गुफा व्यवस्थापनका साथै गुप्तेश्वर महादेव बहुमुखी क्याम्पस सञ्चालनका लागि उपयोग गरिँदै आएको छ ।
क्याम्पस सञ्चालक समितिका अध्यक्ष तिलक आचार्यका अनुसार क्याम्पसमा हाल २६८ विद्यार्थी रहेका छन् । गुफा व्यवस्थापन समितिले यसवर्ष रु ६२ लाख क्याम्पस सञ्चालनका लागि छुट्ट्याएको छ । रासस
news24nepal
Post a Comment