बारा, फागुन २४ । त्रिभुवन आर्मी क्लब बारामा जारी सातौं सिमरा गोल्डकप फुटबल प्रतियोगिताको सेमिफाइनलमा प्रवेश गरेको छ ।
सोमबार भएको क्वार्टरफाइनलमा चिरपरिचित प्रतिस्पर्धी थ्रीस्टार क्लबलाई १–० ले पराजित गर्दै आर्मीले अन्तिम चारमा ठाउँ पक्का गरेको हो ।
आर्मीका लागि खेलको ४५औं मिनेटमा विमल घर्तीमगरको पासमा विकास तामाङले निर्णायक गोल गरेका हुन् ।
खेलको ८९औं मिनेटमा पिटर सेगुनले प्रहार गरेको पेनाल्टीलाई आर्मीका गोलकिपर बिकेश कुथुले बचाउँदै टिमलाई जिताए ।
विमल ‘म्यान अफ द म्याच’ भए ।
नवजनजागृति युवा क्लबको आयोजनामा १० टिम सहभागी प्रतियोगिताको विजेताले पाँच लाख ५१ हजार तथा उपविजेताले साढे दुई लाख रुपैयाँ पुरस्कार जित्नेछन् ।
imagekhabar
Post a Comment