दिउँसो १ः४५ बजे सराङकोटबाट उडेका प्याराग्लाइडमध्ये खराब मौसमका कारण सात वटा प्याराग्लाइडिङ फेवातालमा र एउटा पोखराको अर्मलास्थित रुखमा अल्झिएको थियो ।
दुर्घटनाको खबर पाउनासाथ साथ तत्काल पुगेका सुरक्षकर्मीको सक्रियतामा सबैको सकुशल उद्धार गरिएको थियो । जिल्ला प्रहरी कार्यालयले दिएको जानकारीअनुसार दुर्घटनामा रसियाका चार जना, काजकिस्थानका एकजना, चिनको एकजना र युक्रेनका दुई जना रहेका छन् ।
रसियाका आन्द्रेइ चेस्नोकोभ, भिचे स्लाब कोप्चाइन्स्की, आलेस्की माकारोव र सेर्जे चेप्लेभ, चिनका यु वाङ, काजिकस्थानकी महिला दिनारा अस्मानोभ र युक्रेनी नागरिक वोल्केसी कोलेस्नेक र वालेन रहेका छन् ।
प्रतियोगिता आयोजक समितिका संयोजक योगश भट्टराईका अनुसार अकस्मात् आएको चर्को हावाका कारण प्याग्लाइड अन्यिन्त्रित हुँदा अवतरका क्रममा दुर्घटना भएको हो ।
उद्धारका लागि दुई वटा कायक र एउटा डुङ्गासहित पाँचजना फेवातालमा तैनाथ राखिएका कारण सुरक्षाकर्मीसमेतको सहयोगमा सकुशल उद्धार गर्न सकिएको उनले बताए ।
यसैबीच हवाई खेलकुद संस्थाले मंगलबार एक विज्ञप्ति जारी गरी उद्धारमा खट्ने सुरक्षा निकाय, स्थानीयवासीसहित सम्पूर्णप्रति आभार व्यक्त गर्दै भोलिका प्रतियोगिता जारी रहने जनाएको छ ।
ratopati
Post a Comment