पार्टीको काठमाण्डु जिल्ला समितिको आयोजनामा सोमबार प्रज्ञा भवन कमलादीमा आयोजित कार्यकर्ता प्रशिक्षणमा उनले आफूले करिश्मालाई कहिल्यै मन नपराएको बताए ।
आफ्ूले करिश्मालाई मन पराएको कुरा झुठो भएको खण्डन गर्दासमेत विगतमा नपत्याइएइको चर्चा गर्दै उनले करिश्मा बाबुराम भट्टराई नेतृत्वको नयाँ शक्तिमा लागेपछि भने भ्रम टुटेको उल्लेख गरे ।
‘मैले करिश्मालाई मन पराउँछु भन्ने हल्ला साँचो थिएन’, उनले भने, ‘मिडियामा एकचोटि आएपछि आएको आयै हुँदोरहेछ । अहिले सबैले देखे नि करिश्मालाई मैले होइन, बाबुराम मन पराउने रहेछन् ।’
आफ्नो कुरा सुनेर कार्यकर्ता मुर्छा परेर हाँसेपछि उनले आफूले ठट्टा जस्तो गरेर विषय राखे पनि त्यसभित्र गहिरो मर्म लुकुको बताए । ‘मैले ठट्टा ठट्टा जस्तोमा यो कुरा भनें तर यसमा गहिरो मर्म छ है कमरेडहरु’, उनले भने ‘ठ्टटामा भन्न खोजेको कुरा हो तर, ठट्टा चाहिं होइन ।’
kathmandutoday
Post a Comment