अमेरिकाका ३४ शीर्ष सांसदले मोदीलाई पत्र पठाउँदै धार्मिक अल्पसंख्यककाविरुद्ध भइरहेको हिंसा रोक्न माग गरेका छन् । उनीहरुले भारतमा धार्मिक अल्पसंख्यकको आन्दोलनमाथि बल प्रयोग गरिएकोमा चिन्ता व्यक्त गर्दै बल प्रयोग नगर्न चेतावनी दिएको भारतीय च्यानल आजतकले जनाएको छ । समाचार अनुसार यसरी पत्र लेख्ने सांसदमा आठ सिनेटर पनि रहेको बताइएको छ ।
मूल अधिकारको संरक्षण गर्नका लागि तत्काल कदम चाल्न मोदीलाई आग्रह गर्दै धार्मिक अल्पसंख्यकको अधिकार हनन गर्नेमाथि कानुनी कदम चाल्नुपर्ने कुरा पत्रमा लेखेका छन् ।अमेरिकी सांसदले पत्रमा भनेका छन्- हामी सरकारसँंग यो सुनिश्चित गर्न माग गर्दछौ कि यसका लागि तुरुन्त आवश्यक कदम चाल्न माग गर्दछौ । धार्मिक अल्पसंख्यकको मुल अधिकारको संरक्षण गरियोस र हिंसा गर्नेवालाको जवाफदेही ठहराइयोस ।’
हिन्दूवादी नेताका रुपमा चिनिने मोदी भारतमा प्रधानमन्त्री भएपछि धार्मिक असहिष्णुता बढेको समाचार बेला बेला आउने गरेका छन् । धेरै कलाकारले यो विषयमा प्रश्न उठाएका थिए ।
दुई दिन अघि लेखिएको यो पत्रबारे शनिबार मानव अधिकार आयोगले जानकारी दिएको हो । पत्रमा अगाडि लेखिएको छ- हामी आरएसएस जस्ता संगठनका गतिविधिको नियन्त्रित गर्नका लागि कदम उठाउन माग गर्दछौ । यसका साथै कानुनको शासन लागू गर्न र धार्मिक रुपबाट प्रेरित उत्पीडन तथा हिंसाले धार्मिक अल्पसंख्यक समुदायको संरक्षण गर्नका लागि भारतीय सुरक्षा बललाई निर्देशन दिन अपील गर्दछौ ।’
kathmandudalypost
Post a Comment