पत्याउनुहुन्छ, अस्कर अवार्डमा विश्वका २ चर्चित सुन्दरीले लगाएको गहनाको मुल्य ८-८(८० लाख डलर) मिलियन डलर थियो । एउटी सुन्दरी हुन्, विश्वकै चर्चित पप स्टार लेडी गागा भने अर्की हुन् बलिउड नायिका तथा गायिका प्रियंका चोपडा ।
अस्कर अवार्डको ८८ औं श्रृङ्खलामा पुगेका यी दुई चर्चित गायिकाले आफ्नो गहनाले पनि सबैको ध्यान तानेका थिए । चर्चित हलिउड नायिकाहरुको पहिरनको चर्चा भैरहँदा यी दुइले लगाएको गहनाको पनि चर्चा सुरु भएको छ ।
२९ बर्षकी लेडीले कानमा लगाएको गहनाको मुल्य ८ मिलियन डलर थियो । कानमा चम्किएको उनको डाइमन्डलाई ‘इमिरेल्ड कट’ भनिन्छ ।यस्तै, नायिका तथा गायिका प्रियंका चोपडाले लगाएको ५० क्यारेटको डाइमन्डले पनि उनलाई रेड कार्पेटमा चम्काएको थियो । उनले कानमा लगाएको रिङको मुल्य ३.२ मिलियन डलर थियो भने बाँकी रकम उनले हातमा लगाएको डाइमन्डको लागि खर्च गरेकी थिइन् ।
यी दुबै सुन्दरीले ८० लाख डलर बराबरको गहना लगाएर रेड कार्पेटमा उत्रदा फोटो पत्रकारदेखि अवार्ड हेर्न उपस्थित दर्शकको ध्यान तानिएको थियो ।
onlinekhabar
Post a Comment