नायिका कार्कीको यसअिघ चलचित्र ‘वडा नम्बर ६’ मा गरेको कामको खुलेरै तारिफ गरेका दिपकले यसपाली पनि चलचित्रको कथाले उनैलाई माग्ने भएकाले प्रियंकालाई नायिकाको रुपमा सिनेमामा लिईएको बताएका छन् ।
चलचित्र ‘६क्का पञ्जा’को लागि नायिकाको रुपमा आफु अनुबन्धित भएपछि प्रियंका पनि निकै खुशी देखिएकी छिन् । खुशी हुदै उनले निर्देशक दिपाश्री निरौलाई सोधिन्, ‘डाईरेक्टर साब अब मैले चलचित्रको क्यारेक्टरको लागि के गर्नुपर्छ ?’ जवाफमा दिपाले भनिन्, ‘केही गर्नु पर्दैन, तिम्रो अभिनय एक्सिलेन्ट छ जस्ट पाँच सात केजी जति वेट गने गरे पुग्छ ।’
यो वार्तालाप सुन्दा लाग्थ्यो प्रियंका पनि अब यो टिमको एउटा दरिलो हिस्सा नै हो । प्रियंकामा काम गर्ने क्षमता त छ नै साथमा उनमा काम प्रतिको डेडिकेसन र राम्रो संस्कार पनि रहेको चलचित्रकी निर्देशक दिपाश्रीले मज्जाको अनलाईनलाई बताईन ।
चैत्र ८ गतेदेखि फ्लोर ज्वाईन गर्ने यो सिनेमामा नायिका प्रियंकाको हिरोको रुपमा दिपकराज गिरी, केदार घिमिरे माग्ने बुढा, शिवहरी पौडेल, जितु नेपाललाई देख्न पाईनेछ । तर यसपटक सिनेमामा सिताराम कट्टेल ‘धुर्मुस’ भने हुने छैनन् । सितारामले आफ्नो कार्यब्यस्तताले सिनेमालाई समय दिने नसक्ने भएकाले सिनेमामा उनको अभिनय हेर्न पाईनेछैन ।
चलचित्रमा किरण केसी, बसुन्धरा भुषाल, बुद्धि तामाङ्ग ‘हैट’ लगायत कलाकारहरुको पनि अभिनय रहनेछ । ‘६क्का पञ्जा’मा राजनराज शिवाकोटी र दिपक शर्माको संगीत रहनेछ । सिनेमालाई पुरुषोत्तम प्रधानले खिच्नेछन् । फिल्मको कथावस्तुमा यसपटक पनि कमेडीलाई नै महत्व दिइएको छ ।
mazzakoonline
Post a Comment