प्रधानमन्त्रीको भ्रमणका क्रममा नेपालले चीनसँग अहिलेसम्मकै धेरै सम्झौता गर्ने तयारी छ । इन्धनदेखि व्यापारसम्म, विकासदेखि आर्थिक सम्वृद्धिसम्मका सम्झौताहरु हुने परराष्ट्र मन्त्रालयले जनाएको छ ।
यसैगरी चीनले चैत ९ देखि १२ गतेसम्म हाइननन प्रान्तमा आयोजना हुने ‘बोआओ फोरम फर एसिया’ सम्मेलनमा भाग लिन पनि प्रधानमन्त्री ओलीलाई औपचारिक निमन्त्रणा गरेको छ ।
यसअघि चीन भ्रमणमा गएका परराष्ट्रमन्त्री कमल थापाले ८ बुँदे सम्झौता गरेका थिए । भारतले नाकाबन्दी लगाउँदा चीनले नेपाललाई थुप्रै सहयोग गरेको थियो ।
यसैबीच काठमाडौंस्थित चिनियाँ दूतावासले परराष्ट्र मन्त्रालयलाई प्रधानमन्त्रीको भ्रमणको मितिबारे मौखिक जानकारी गराएको छ । जसअनुसार चैत ७ बाट सुरु हुने प्रधानमन्त्रीको चीन भ्रमण बढीमा पाँच दिनको हुनेछ ।
प्रधानमन्त्री काठमाडौंबाट ७ गते बेइजिङ जाने, त्यसको भोलिपल्ट उच्चस्तरीय भेटवार्ता एवं महत्वपूर्ण दुईपक्षीय सम्झौतामा हस्ताक्षर गर्ने तयारी थालिएको छ ।
dainiknepal
Post a Comment