काठमाडौँ, ८ माघ । गएको सोमबार मध्यराति संविधानसभा भवन भित्र वितण्डा मच्चाउने एमाओवादीका यी सभासद्ले बिहीबारको संविधानसभा बैठकमा अर्को नाटक देखाएका छन् ।
संविधानसभाको कुर्सी भाँचेर जनताको गाली खाइरहेका बेला यी सभासद् आज काँग्रेस, एमाले लगायतका सत्तापक्षीय सभासद् बस्ने कुर्सीमा गएर बसे । सत्ता पक्षको कुर्सीमा बस्ने यिनी हुन्, एमाओवादीका सभासद् अनमलाल मोदी ।
प्रतिपक्षले नाराबाजी गरिरहेको बेला एमाओवादीका सभासद् मोदी सत्ता पक्षमा बसेको देखेपछि काँग्रेस र एमालेका सभासद्ले होहल्ला गरेका थिए । त्यसपछि मात्र उनले कुर्सी छाडे । मोदी एमाओवादीका तर्फबाट मोरङबाट समानुपातिक सभासद चयन भएका हुन्। माओवादीको विद्यार्थी संगठन अनेरास्ववियु क्रान्तिकारीबाट राजनीति थालेका मोदी लडाकु स्वभावका छन्।
Post a Comment