जसले पनि इन्धन आयात र बिक्री गर्न पाउने

काठमाडौं – सरकारले जुनसुकै व्यक्ति वा कम्पनीलाई मुलुकभित्र पेट्रोलियम पदार्थ आयात गर्न खुला गरेको छ । यसरी आउने इन्धनको मूल्य आयातकर्ता कम्पनी वा व्यक्तिले आफूखुसी निर्धारण गर्न पाउनेछन् । त्यस्तै, आफ्नै प्रयोजनका लागि मात्रै इन्धन ल्याउन पनि यस्तो व्यवस्थाले छुट दिएको छ ।

इन्धनको चरम अभाव पूर्ति गर्न सबै नागरिकलाई जहाँबाट भए पनि इन्धन ल्याई बिक्री गर्ने वा आफैंले प्रयोग गर्न सक्ने व्यवस्था गरेको वाणिज्य तथा आपूर्ति मन्त्रालयले जनाएको छ । निकासी पैठारी नियन्त्रण ऐन २०१३ अनुसार यस्तो निर्णय गरिएको मन्त्रालयले जनाएको छ भन्दै आजको नयाँ पत्रिका दैनिकले खबर लेखेको छ ।ratopati