चीनद्वारा नेपालसँग विद्युत व्यापार प्रस्ताव

१३ कात्तिक, काठमाडौं । जलविद्युत आयोजना र प्रसारण सहकार्य गर्न चीले नेपालसँग विद्युत व्यापार सम्झौता (पीटीए) का लागि समझदारी पत्रमा हस्ताक्ष गर्ने प्रस्ताव अघि सारेको छ ।
भारतले अघोषित नाकाबन्दी सुरु गरेसँगै चीनले दुई देशबीच सुरुमा समझदारीपत्रमा हस्ताक्षर गरी सम्झौता प्रक्रिया अघि बढाउने मनशाय व्यक्त गर्दै असोज ११ गते नै लिखित पत्रचार गरेको खुलेको नागरिक दैनिकमा खबर छ ।

चिनियाँ जलस्रोत मन्त्रालयअन्तर्गतको ‘हान्जाउ रिजनल सेन्टर’ले आयोजना निर्माणदेखि प्रविधि हस्तान्तरणसम्मको समझदारी नेपालसँग गर्न इच्छा देखाउँदै विद्युत प्राधिकरणलाई पत्र पठाएको छ ।
प्राधिकरण ऐन अनुसार यस्तो समझदारी कानुनी रुपमा उसले गर्न नमिल्ने हुँदा त्यो पत्र उर्जा मन्त्रालयमा पठाएर त्यहीबाट थप प्रक्रिया सुरु गरिएको प्राधिकरणका एक उच्च अधिकारीले बताए ।onlinekhabar