नेपाल र पाकिस्तान भिड्दै, टस जितेर नेपाल बलिङ गर्दै

काठमाडौं, माघ २६ । बंगलादेशमा जारी एसीसी अन्डर–नाइन्टिन विश्वकप क्रिकेटअन्तर्गत पाँचौं स्थानको प्लेअफ सेमिफाइनलमा नेपालले पाकिस्तानसँग खेलिरहेको छ ।
नेपाल र पाकिस्तानबीचको खेल फतुल्लाहको खान साहेव ओमान अली रंगशालामा नेपाली समयअनुसार बिहान पौने ९ बजे सुरु भएको छ ।

नेपालले टस जितेर पहिले फिल्डिङ रोजेपछि पाकिस्तानले ब्याटिङ गरिरहेको छ । विश्वकपको सेमिफाइनलमा समीकरण पूरा भएपछि अन्तर्राष्ट्रिय क्रिकेट परिषद् आईसीसीले सार्वज्निक गरेको पाँचौं स्थानका लागि प्लेअफ सेमिफाइनलको ड्र सार्वजनिक गरेको हो ।
प्लेअफ सेमिफाइनलमा नेपालले पाकिस्तान तथा नामिवियाले इङ्ल्यान्डसँग खेल्ने छन् । सेमिफाइनलमा विजेता दुई टोलीले पाँचौं स्थानका लागि खेल्ने छन् ।
 पराजित हुने टोलीले सातौं र आठौं स्थानका लागि खेल्ने छन् । इङ्ल्यान्ड र नामिवियाबीचको प्लेअफ सेमिफाइनल बुधबार हुने छ ।
imagekhabar