समाचार एजेन्सीहरुका अनुसार, यी सैनिकहरुले विगत कैयन दिनदेखि साउदी अरबको उत्तरी क्षेत्रमा युद्द अभ्यास गरिरहेका छन् । उनीहरुले अमेरिकाको संकेत पाउनेबित्तिकै सिरियामा आक्रमण गर्ने देखिन्छ । साउदी अरबका रक्षा मन्त्री आदिल अल जुबैरले भनेका छन्– यदि अमेरिकाले सिरियामा जमिनी लडाई (स्थलयुद्ध)लाई कमाण्ड गरेमा साउदीको नेतृत्वका यो ठूलो सैन्यशक्ति सिरियामा उत्रिन तयार भएर बसेको छ ।
अदिल अल जुबैरको यो वक्तव्यपछि संयुक्त राष्ट्र संघमा इरानका प्रतिनिधिले एउटा विशेष पत्रकार सम्मेलनको आयोजना गर्दै अरबले यसरी सेना पठाएमा यो अन्तर्राष्ट्रिय कानुनको ठाडो उल्लंघन हुने र यसको प्रतिरोध गर्न आफूहरु तयार रहने बताए । उनले यदि साउदीले आँखा चिम्लेर यसरी सिरियामा जाने कुरा सोच्छ भने त्यहाँबाट साउदी अरब उम्किन गारो पर्ने चेतावनी समेत दिए ।
यसअघि नै रुसी राष्ट्रपनि पुटिनले तेश्रो विश्वयुद्ध निम्त्याउने किसिमका कदम नचाल्न साउदीलाई चेतावनी दिएका थिए । साउद अरबलाई अमेरिकाबाट बैचारिक र रणनीतिक समर्थन प्राप्त छ । जबकि इरान र सिरियालाई रुसले सहयोग गरेको छ । यो अवस्थामा केही युद्ध पत्रकारहरुले साउदी अरबका सेना सिरिया प्रवेश गरेमा तेश्रो विश्वयुद्ध हुने टिप्पणी समेत गरेका छन् ।
साउदीका अतिरिक्त टर्की पनि अमेरिकाको पक्षमा रहेको छ । तर कतिपय अवस्थामा टर्कीले अमेरिकाको बिरोध समेत गर्दै आएको छ ।
-everestdainik
Post a Comment