मधेस आन्दोलन शुरु भएदेखि लामो समय ठप्प रहेको वीरगञ्ज रक्सौल नाकामा पछिल्लो समय आन्दोलनकारीको न्युन उपस्थिति रहँदै आएको छ । जसले गर्दा नाकाबाट फाट्टफुट्ट रुपमा सवारी भित्रिन थालेका छन् ।
स्थानीयले मितेरी पुलमा रहेको ढाड र टेन्ट हटाएपछि गोरु गढाहरु निर्वाध रुपमा आवतजावत गरिरहेका छन् । अहिलेसम्म पुलमा कोही आन्दोलनकारी नदेखिए पनि ट्रकहरु भने अझै आवतजावत गर्न हिच्किचाइरहेका छन् । स्थानीयले भने उनीहरुलाई पुल प्रयोग गर्न आग्रह गरेका छन् ।
आन्दोलनरत मेधसी मोर्चाले समेत आन्दोलनको स्वरुप परिवर्तन गर्ने बताइरहँदा वीरगञ्जमा मोर्चाको धर्ना पनि खुकुलो बन्दै गएको हो ।
केही समयअघि धर्ना दिने आन्दोलनकारी नहुँदा १ सय २९ दिनपछि दुई घण्टाका लागि नाका खुलेको थियो । पहिलो पटक उक्त नाकाबाट नेपालतर्फ गाडी भित्रिएको थियो ।
शुक्रबार बिहान मात्र यस नाकाबाट १० वटा नयाँ ट्राक्टर र १–१ वटा ट्रक र टिपर नेपाल भित्रिएका थिए ।
ratopati
Post a Comment