‘सरकार परिवर्तनको कुरा अहिले भएको छैन’, उहाँले भन्नुभयो, ‘यो सरकारमा अबसरवादीहरु मन्त्री बनेका छन् । त्यस कारणले सरकारले काम गर्न नसकेको हो । यस्ता अवस्थालाई चिर्दै काम गर्नुपर्छ ।’ उहाँले साना दलका र केही आफ्नै पार्टीका मन्त्रीहरुतर्फ संकेत गर्दै अबसरवादीको संज्ञा दिनुभयो । कुन कुन मन्त्री अबसरवादी हुन् उनीहरुको नाम भने नेता पण्डितले बताउन मान्नु भएन ।
एमाले नेता पण्डितले कतिपय मधेसी नेताहरुले अलग देश कसरी बनाउ भनेर आन्दोलन गरेको आरोप लगाउनु भएको छ । ‘कतिपय नेताहरु मधेसलाई अलग देश बनाउन चाहन्छन्’, उनले भने, ‘नेताहरु कसरी मुख्यमन्त्री भन्ने । कसरी व्यक्तिगत लाभ लिने भनेर लागेका छन् ।’
राजधानी बनाउने विषयमा दुई नम्बर प्रदेशमा मधेसी मोर्चाभित्रै काटाकाट हुने बताउनुभएका एमाले नेता पण्डितले भन्नुभयो, ‘कुन जिल्लालाई कहाँ राख्ने भन्ने ती जिल्लाका जनता र नेताहरुलाई अधिकार दिनुपर्छ । एक नम्बरको राजधानी विराटनगर बन्छ । के मधेसमा पर्दैन विराटनगर ?’
मधेसी मोर्चाले उठाएका माग अधिकांश पूरा भएको बताउनुभएका एमाले नेता पण्डितले भन्नुभयो, ‘लिन्डे ढिप्पी गर्ने हो भने मधेसी मोर्चासँग सहमति हुँदैन । मालिकको आडमा गरिने आन्दोलन र ढिप्पीले केही हुने वाला छैन ।’
मधेसी मोर्चाका नेताहरुले मधेसी जनताको खोल ओढेर मधेसी जनता कै विरुद्ध लागेको उहाँले आरोप लगाउनुभयो ।
dainiknepal
Post a Comment