दिल्लीको डिजाईनमा राजनीतिक संयन्त्र : मोर्चा

फागुन ७, काठमाडौं ।

सरकाले सिमाङकन विवादका लागि दिल्लीको डिजाईनमा राजनीतिक संयन्त्र गठन गरेको संयुक्त लोकतान्त्रिक मधेशी मोर्चाले आरोप लगाएको छ । आन्दोलनकारीको सहभागीताबीन संयन्त्र गठन गरिएकोमा आक्रोश व्यक्त गर्दै मोर्चाले दिल्लीको चाकडीका लागि सरकारले अपूर्ण राजनीतिक संयन्त्र गठन गरेको बताएको हो । परराष्ट्रमन्त्री कमल थापाको भारत भ्रमणका क्रममा भारतीय विदेशमन्त्री सुष्मा स्वराजसँग भएको सहमति अनुरुप राजनीतिक संयन्त्र गठन गरिएको सद्धभावनाका सहध्यक्ष लक्ष्मणलाल कर्णले बताउनुभयो ।

संयन्त्रले सिमांकने विषय सम्बोधन गर्न नसक्ने कर्णको भनाई छ । एकतर्फी ढंगले बनाईएको संयन्त्र नमान्ने मोर्चाले बताइसकेको छ । वार्ताबाट समाधान खोज्न मधेशी मोर्चा लचिलो भएपनि आन्दोलनका मुद्दा सम्बोधन गर्न सरकार गम्भीर नरहेको कर्णको भनाई छ । यस्तै प्रधानमन्त्रीको भारत भ्रमणमा टिप्पणी गर्दै कर्णले आन्तरीक समस्या समाधान नगरीकन भएको भ्रमणको कुनै अर्थ नहुने बताउनुभयो । मधेशी थारु आदिवासीका माग सम्बोधनका लागि गम्भीरता नदेखाएको भन्दै मोर्चाले आन्दोलन जारी राख्ने बताएको छ ।
radiokantipurdiar