काठमाडौं : नेपालमा नाकाबन्दी लाइरहेको भारतीय सत्तारुढ भारतीय जनता पार्टीका एक सभासद्ले नेपालबाट बिहारतिर बग्ने सबै नदीहरुमा बाँध बनाउन भारत सरकारलाई आग्रह गरेका छन् ।
भारतीय तल्लो सदन लोकसभामा शुक्रबार बोल्दै भाजपाका सांसद् भोला सिंहले बिहारसँग जोडिने सबै नदीहरुमा बाँध बनाउन सुझाएका हुन् ।‘यदि नेपालबाट बगेर आउने नदीहरुमा बाँध बनाइयो भने बिहारलाई अन्न भण्डारका रुपमा विकास गर्न सकिन्छ’, उनले भने ।
भारतले लामो समयदेखि कोसी नदीमा उच्चबाँध बनाउन नेपाललाई दबाब दिँदै आएको छ ।
उसले सुनसरीको चतरामा २ सय ६९ मिटर अग्लो संरचनासहतिको उच्चबाँध बनाउने योजना अनुरुप प्रराम्भिक सर्भे पनि पुरा गरिसकेको छ ।
पुर्वको ताप्लेजुङदेखि रामेछापसम्मका १५ जिल्लाका ५५ गाविसस्थित तीन सय ६३ वटा नेपाली गाउँ डुबाउने गरी बनाउने भनिएको उच्च बाँधको चर्चा भारतको संसद्सम्म पुगेको हो ।
भारत सरकारले नेपालका कोशी, नारायणी र गण्डकीसहितका नदीहरुमा अग्ला बाँध बाँधेर भारतीय नदीसम्म नेपाली नदीलार्इ जोडी बिहार र उत्तरप्रदेशमा सिँचाइ गराउने योजना यसअघि नै सार्वजनिक गरिसकेको छ ।
annapurnapost
Post a Comment