ग्यास अभावः गौरीघाटमा निःशुल्क सामूहिक खाना खुवाउन थालियो

काठमाडौं, मंसिर २१ । भारतले गरेको अघोषित नाकाबन्दीका कारण खाना पकाउनै नपाउने अवस्था भोगिरहेकाहरुका लागि एक संस्थाले निःशुल्क सामूहिक भोजन गराउन थालेको छ ।

महिला आधारशीला नामक गैरसरकारी संस्थाले राजधानीको गौरीघाटमा यस्तो भोजन गराउन थालेको हो । खाना पकाउने ग्यास र दाउरा र इन्धनकोसमेत अभाव झेलिरहेकाहरुलाई निःशुल्क खाना खुवाउन सुरु गरेको सो संस्थाकी अध्यक्ष रेणु शर्माले जानकारी दिइन् ।

हाल सो स्थानमा ५ सयजनाभन्दा बढीले खाना खाने गरेका छन् । खाना पकाउने दाउरा पनि पाइन छाडेपछि सामूहिक भोजनमा सहभागी भएको उनीहरुले बताए ।

अपराह्न ४ बजेदेखि साँझ ६ बजेसम्म सो संस्थाले भोजन गराउने गरेको छ । सहज अवस्था नबनेसम्म यसरी निःशुल्क खाना खुवाउने पनि सो संस्थाले जनाएको छ ।
imagekhaba