थापाथालीस्थित नर्भिक अन्तराष्र्टि«य अस्पतालमा कार्यरत डा. सुधांशु केसीले फाइनलका लागि निर्णायक गोल गरेका नवयुग श्रेष्ठलाई आफ्नो क्लिनिकमा उपलब्ध र आफूले गर्न सक्ने सम्पूर्ण उपचार निःशुल्क गर्ने घोषणा गरेका छन् ।उनले ट्विटमा भनेका छन्, ‘नेपाली फुटवल टिमले जितेको उपलक्ष्यमा १० जना एचआईभी र एचसिभी संक्रमित व्यक्तिलाई निःशुल्क हेपाटाइटिस सीको समेत निःशुल्क उपचार गर्ने निर्णय गरियो ।'
केसीले यसअघि आयरल्यान्डविरुद्ध जित निकालेका अन्डर नाइन्टिन क्रिकेटका नेपाली खेलाडीलाई एकपटकका लागि निःशुल्क जाँच गर्ने घोषणा गरेका थिए । उनले यसै प्रसंगमा पुनः अर्को ट्विट गर्दै भनेका छन्, ‘म्याच फिक्सरलाई कारबाही गरेपछि भटाभट उपाधि । अब राजनीति र देश फिक्सिङ गर्नेलाई कारबाही गरौं । अनि देश पनि भटाभट विकास पथमा लम्किन्छ ।'
त्रिवि शिक्षण अस्पतालमा कार्यरत मनोचिकित्सक अनन्त अधिकारीले पनि भारतलाई हराउने सम्पूर्ण नेपाली खेलाडीको निःशुल्क उपचारको घोषणा गरेका छन् । उनले सामाजिक सञ्जाल फेसबुकमार्फत भनेका छन्, ‘म पेसागत रूपमा एउटा मनोचिकित्सकको हिसाबले सम्पूर्ण खेलाडी साथीहरूमा मैले प्रदान गर्न सक्ने सेवा आजीवन निःशुल्क घोषणा गर्दछु । हामी वीर थियौं, छौं र रहनेछौं । खालि बीचमा केही घाँस खानेहरूले बिगार्ने हुन् ।'
यसैबीच पदक विजेता सबै खेलाडीलाई गैरआवासीय नेपाली संघ एनआरएनले बधाई ज्ञापन गरेको छ । एनआरएन अन्तराष्ट्र्रिय समन्वय परिषद्की प्रवक्ता रञ्जु वाग्ले (थापा) ले प्रेस विज्ञप्ति जारी गरी पदक विजेता फुटबल खेलाडीलगायत सबैलाई बधाई दिएकी हुन् ।
annapurnapost
Post a Comment